Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон

Микроорганизмларга 
температуранинг 
таъсири.
Микроорганизмлар юксак ўсимликларга қараганда температурага анча 
чидамли бўлади. Масалан, Вас. subtilis температура 5°С дан то 57°С гача 
бўлганда ҳам ривожланаверади. Кўпчилик сапрофит бактериялар 20°С дан 
35°С гача температурада ривожлана олади, патоген микроорганизмлар эса 
36-37°С да ривожланади. Бундан юқори температурада улар нобуд бўлади.
Микроорганизмларнинг ривожланиши учун температура 3 нуқтада бўлиши 
мумкин: минимум, оптимум ва максимум нуқталари. Оптимум нуқтаси энг 
қулай бўлиб, бундай температурада микроорганизмлар тез кўпаяди ва яхши 
ривожланади, минимум ва максимум нуқталари эса анча чегаралидир. 
Температурага муносабатига кўра, микроорганизмларни қуйидаги 
гуруҳларга бўлиш мумкин: 
1) 
психрофиллар
(психрос - совуқ), бу гуруҳга мансуб бактериялар 
эволюцион тараққиётда паст температурада яшашга мослашган бўлади. 
Бу гуруҳ учун температуранинг оптимум нуқтаси 20-25°С, минимуми эса 0°С 
дан паст бўлиши мумкин. Психрофил бактериялар унча кенг тарқалмаган. 
Улар Шимолий денгиз сувларида ва тупроқларида учрайди. 
2) 
мезофиллар
(мезос - ўртача). Бу гуруҳга кўпчилик 
микроорганизмлар мисол бўлади. Булар учун температуранинг оптимум 
нуқтаси 25-35°С бўлса, максимум нуқтаси 45-50°С, минимум нуқтаси 10°С. 
Мезофил бактериялар тупроқда, сувда ва бошқа озиқ-овқат маҳсулотлари 
юзасида учрайди.
3) 
термофиллар
(термос - иссиқ). Бу гуруҳга бактериялар, 
актиномицетлар, баъзи бир кўк-яшил сувўтлар мисол бўлади. Термофилл 
бактериялар юқори температурада ривожланади. Бу бактерияларни А. А. 
Имшенецкий тубандагича классификациялайди: 
а) 
стенотермин
термофиллар - булар учун температуранинг 
максимум нуқтаси 75-80°С, оптимум нуқтаси 50-65°С, 28-30°С да эса кўпая 
олмайди. Бу гуруҳ табиатда кам тарқалган; 
б
) эвритермин
термофиллар учун температуранинг максимум чегараси 
70-75°С, оптимум нуқтаси 50-65°С бўлиб, 28-30°С да жуда секин кўпаяди, 
табиатда кенг тарқалган гуруҳ. 

---

100 
в) 
термотолерант
формалар учун температуранинг максимум 
чегараси 50-65°С, оптимум 35-45°С, минимуми 5-10°С бўлиши керак. 30-
60°С оралиғида жуда тез кўпаяди, табиатда тупроқда, гўнгда, иссиқ булоқ 
сувларида кенг тарқалган гуруҳ. Термофилл бактерияларда моддалар 
алмашинуви процесси жуда жадал боради, шунинг учун улар жуда тез 
кўпаяди ва яхши ривожланади. Агар мезофилларда бактерияларнинг катта 
колонияси уч кундан кейин ҳосил бўлса, термофилларда бир кундан кейин 
ҳосил бўлади, тез ўсади ва тез нобуд бўлади. 
Термофилл 
бактериялар 
ҳужайрасидаги 
ферментлар 
юқори 
температура таъсирида инактивацияга учрайди, шунинг учун бу 
бактериялардан корхоналарда кенг равишда фойдаланиш мумкин. 
А. А. Имшенецкий фикрича, термофилл бактериялар мезофиллардан 
келиб чиққан. Табиатдаги ўзгаришлар, жумладан, температуранинг 
кўтарилиши мезофилларнинг кўпчилигини нобуд қилган бўлса, бир қисми 
тирик қолган ва юқори температурага мослашган. Бора-бора юқори 
температура улар учун зарурий фактор бўлиб қолган. А. А. Имшенецкийнинг 
бу фикрини Е. Н. Мишустин маъқуллаган. 
Термофилларга: Вас.cellulosae, Вас. thermophilus, Асtinomyces thermop 
hilus лар мисол бўлади. Мишустин ерга гўнг солинганда термофил 
бактерияларнинг сони кўпайганлигини кузатган.