Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон

6. Ҳалқаро савдода Лицензия, Патент хуқуқи, Ноу-хау ахамияти ва Инжиниринг, Консалтинг хизматлари моҳияти.
Лицензия (эркинлик, хуқуқ)- техникавий, иқтисодий, илмий янгиликлар эгасига уларни ишлатиш учун берилган рухсат. Лицензия давлат ёки корхона, ташкилотлар томонидан бирон иқтисодий фаолиятни бажариш учун маълум вақтга фойдаланиш учун берилади.
Лицензия берувчи – лицензиар, лицензия олувчи – лицензиат деб юритилади.
Янги техника ва технологияга оид лицензиялар 3 хил бўлади:
Оддий лицензия – бунда лицензиар битта лицензияни маълум ҳудуд доирасида бир нечта лицензиатга бериши мумкин.
Махсус лицензия – бунда лицензиат танҳо хуқуқли бўлади, лицензиар эса уни ўз номидан бошқага сота олмайди.
Тўла лицензия – бунда лицензия объектини ишлатиш тўла-тўкис лицензиат қўлига берилади, лицензиар ундан мустақил фойдалана олмайди.
Хар қандай лицензия маълум бир муддатга берилади (5 йилгача).
Ташқи савдо, корхона очиш, қозилма бойликлардан фойдаланиш учун лицензия давлат томонидан берилади. Корхоналар, бирлашмалар ва ташкилотлар чет элдан лицензия олишда учун давлат тамонидан берган лицензияга биноан ташқи савдода қатнашади. Лицензия сотиш ва сотиб олиш учун халқаро лицензия савдосида қатнашиш натижасида четдан янги техника ва технология давлат ичкарисига олиб киритилади ёки чиқарилади.
Халқаро лицензия савдосида АқШ ва Япония пешқадам давлатлар ҳисобланади. Лицензия ҳақи 2 хил тартибда тўланади:
Лицензияни ишлатишдан келган даромаднинг бир қисмини вақти-вақти билан унинг эгасига бериб туриш.
Лицензия ҳақини бирданига тўлаш.
Лицензия савдосида ноу-хаули, патентли ва патенсиз лицензиялар сотилади. Бу савдода лицензия битимлари кенг қўлланилади. Бу битимларга биноан техник янгиликлар фойдаланиб туриш учун сотилади, уларни қўллаш юзасидан инжиниринг хизматлари кўрсатилади.
Лицензиянинг нархи лицензияни ишлатишдан тушган қўшимча фойданинг бир қисми бўлиб, уни лицензия эгаси олади, қолган қисмини лицензияни ишлатувчи олади.
Лицензия нархи унинг эгасига қисман тўланади, бу ройялти деб юритилади, бир неча бор тўланган ройялти йиғиндиси лицензия нархини ташкил этади. Лицензия нархи уни қўллашдан олдин тўланса бу паушаль тўлови деб юритилади.
Лицензия олиш учун талабнома ва уни бериш тартиби мамлакат қонунчилиги билан тартибга солинади.