Ўзбекистон республикаси олий ва ўрта махсус таълим вазирлиги жиззах политехника институти н. Н. Алимов, Ж. Р. Турматов

Ўқув суҳбати.
Ўқитувчи билимларни далил, тушунча, тамойиллар ва усуллар шаклида беради ва тафаккур йўналишига таъсир кўрсатиш учун саволлар беради. У ўқувчилардан жавоблар ва мунозаралар кутади. Бунда барча дидактик тамойиллар инобатга олиниши мумкин. Бу энг кўп қўлланиладиган усулдир.
Бу усулга асосан англаш ва «муносабатлардаги тафаккур» ривожлантирилади.
Афзалликлари:

• 
  Интеллектуал (когнитив) қобилиятларни ривожлантириш жараёни ўқувчилар томонидан тўғридан-тўғри қўллаб-кувватланади.
  
• 
  Кенг қамровли мавзулар кам босқичларни ўтиш орқали таҳлил қилинади.
  
• 
  Ўрганишнинг фаол йўли.
  
• 
  Ўқувчиларнинг дастлабки билимларини сафарбар этиш учун яхши имконият.
  

Салбий томонлари:

• 
  Нотўғри саволлар усулини ишлатиш хавфи туғилади.
  
• 
  Ўқитувчи томонидан ўқувчиларга ошиқча, холис бўлмаган баҳо берилиш тенденцияси намоён бўлади.
  
• 
  Ўқитувчининг шахсий фикрлари ўқувчининг тафаккур қилишига таъсир қилиши хавфи туғилади.
  

Давра суҳбати.
Ўқитувчи стол-стулларни доира шаклида жойлаштиради, бу эса ҳар бир иштирокчи билан «кўз алоқасини" боғлаш имконини беради. Ўқитувчи тайёрланган мавзуни бошлаб беради ва унга нисбатан фикр-мулоҳазалар, қарорлар билдиришни сўрайди.
Бу усул мулоқот қобилиятини ва қарор чиқариш қобилиятини ривожлантириш учун мақсадга мувофиқдир.
Афзаллик томонлари:

• 
  Мулоқот қилиш жараёни яққол кўринади ва у ўқитувчи томонидан қўллаб-кувватланади.
  
• 
  Қарор қабул қилиш қобилияти ривожланади, тадбир режалари жорий этилади.
  
• 
  Ўрганишнинг энг фаол йўлидир
  
• 
  Ҳар ким қатнашиш лозимлиги масъулиятини ҳис қилади.
  
• 
  Ўқувчилар тажрибаларини қўллаш учун яхши имконият
  
• 
  Ижтимоий компетенция ва гуруҳлар позициясини белгилашда яхши йўл.
  

Салбий томонлари:

• 
  Ўқувчиларга юқори баҳо бериб юбориш мумкин.
  
• 
  Маълум мавзуга ёпишиб олиш хавфи туғилади.
  
• 
  Кўп вақт талаб қилиши.