Ўзбекистон республикаси олий ва ўрта махсус таълим вазирлиги жиззах политехника институти н. Н. Алимов, Ж. Р. Турматов

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ


ЖИЗЗАХ ПОЛИТЕХНИКА ИНСТИТУТИ
Н.Н.Алимов, Ж.Р.Турматов




ЎҚУВ-УСЛУБИЙ ҚЎЛЛАНМА

Жиззах-2007
UDK 378

Ўқув-услубий қўлланма Жиззах политехника институти илмий услубий кенгашида кўриб чиқилди ва чоп этишга рухсат этилди.

Баённома № __ «___» ___________ 2007 йил
Ушбу ўқув-услубий қўлланма ўқитиш жараёнида янги педагогик технологиялардан фойдаланиш, кичик гуруҳлар ва жамоада ишлашни ташкил қилиш ҳамда ўқувчи-талабаларни педагогик жараёнга тайёрлаш масалаларига бағишланган зарурий тавсиялар ва маслаҳатларни ўз ичига олган. Шу билан бир қаторда қўлланмада ўқитувчилар учун дарс жараёнида педагогик технологияларни қўллаш, машғулотнинг ўтказилиш методикаси, дарсга кириш ва уни таҳлил қилиш услублари ҳақида ҳам тавсиялар берилган.
Т
Р.Т.Умаров
Жиззах Давлат педагогика институти доценти, «Тасвирий санъат ва ишлаб чиқариш асослари» кафедраси мудири, иқтисод фанлари номзоди
М.Т.Раббимов
Жиззах политехника институти «Касб таълими ва педагогика» кафедраси мудири, техника фанлари номзоди


ақризчилар:

© Н.Н. Алимов, Ж.Р.Турматов. «Педагогик технологиялар». Ўқув-услубий қўлланма. Жиззах, 2007. - 87 бет.

КИРИШ

Жамиятимизнинг ҳар бир фуқароси XXI аср бўсағасида турар экан, ортда қолган йиллар қадрини баҳолашга ва келажак ҳаётининг турли жабҳаларини белгилаб олишга уриниши табиийдир. Жумладан, таълим соҳасида фаолият кўрсатаётганлар ҳам бундан мустасно эмас.

Ҳозирги кунда таълим жараёнида интерактив методлар, инновацион технологиялар, педагогик ва ахборот технологияларини ўқув жараёнига қўллашга бўлган қизиқиш, эътибор кундан - кунга кучайиб бормоқда, бунинг сабабларидан бири, шу вақтгача анъанавий таълимда ўқувчи - талабаларни фақат тайёр билимларни эгаллашга ўргатилган бўлса, замонавий технологиялар уларни эгаллаётган билимларини ўзлари қидириб топишларига, мустақил ўрганиб, таҳлил қилишларига, хатто хулосаларни ҳам ўзлари келтириб чиқаришларига ўргатади. Ўқитувчи бу жараёнда шахснинг ривожланиши, шаклланиши, билим олиши ва тарбияланишига шароит яратади ва шу билан таълим жараёнида ўқувчи - талаба асосий фигурага айланади.
Шунинг учун олий ўқув юртларида малакали касб эгаларини тайёрлашда замонавий ўқитиш методлари - интерактив методлар, инновацион технологияларнинг ўрни ва роли бениҳоя каттадир. Педагогик технология ва педагог маҳоратга оид билим, тажриба ва интерактив методлар ўқувчи-талабаларни билимли, етук малакага эга бўлишларини таъминлайди.
Анъанавий ўқитиш тизими, айтиш мумкинки, ёзма ва оғзаки сўзларга таяниб иш кўриши туфайли «ахборотли ўқитиш» сифатида тавсифланади, чунки ўқитувчи фаолияти биргина ўқув жараёнининг ташкилотчиси сифатида эмас, балки нуфузли билимлар манбаига айланиб бораётганлигини таъкидлаган ҳолда баҳоланмоқда. Бу бир томондан.
Иккинчидан, илмий-техник тараққиётнинг ривожланаётган босқичида ахборотларнинг кескин кўпайиб бораётганлиги ва улардан ўқитиш жараёнида фойдаланиш учун вақтнинг чегараланганлиги, шунингдек ёшларни ҳаётга мукаммал тайёрлаш талаблари таълим тизимига янги технологияларни жорий этишни тақозо этмоқда.