Турар жой биноларини хажмий-тарихий йечимларини тахлил қилиш

Турар жой биноларини хажмий-тарихий йечимларини тахлил қилиш

Режа:

1. Умумий талаблар

2. 
   Турар жой биноларида санитария-гигиена талаблари, ёритилганлик, инсоляция ва шамоллатиш.
   
3. 
   Турар жой уйлари ва уларнинг таркибий қисмлари.
   
4. 
   Ёнғин хавфсизлиги, эвакуация йўллари
   
5. 
   28м дан баланд биноларга қўшимча талаблар
   

Умумий талаблар

Ушбу меъёрлар Ўзбекистон Республикаси ҳуддудидаги шаҳарлар ва аҳоли яшайдиган қишлоқ жойларда давлат ва хусусий қурилиш учун тураржой биноларини, шу жумладан бир хонали ва бирлаштирилган (жуфтланган) уйлар, кўп хонадонли уйлар (16 қаватлигача, 16-қават ҳам), махсус тураржойлар: ётоқхоналар, қариялар ва ногиронлар оилалари учун хонадонли уйлар, ёлғиз қариялар ва ногиронлар учун уй ушбу меъёрлар биноларга кўчиб-кириш ва эгалик қилиш шартларига, шунингдек инвентар ва кўчма (кўчириб юриладиган) биноларни лойиҳалашга татбиқ қилинмайди.
Турар-жой биноларини лойиҳалашда, ушбу меёрлар талаблари билан бир қаторда, 1-бўлимда келтирилган ҳавола қилинган амалдаги меёрий ҳужжатлар ҳам ҳисобга олиниши керак; санитария-гигиена, ёнғинга қарши ва функционал-типологик талаблар ва турар-жойни шакллантириш параметрлари, микроиқлим қулайликни таъминлаш талаблари, замонавий муҳандислик жиҳозларини қўллаш талаблари комплекс ҳолда ҳисобга олиниши керак.
Ушбу меъёрлари табий-иқлимий шароитлар хусусиятларини ва тураржой турларига аҳолининг маиший эхтиёжини ҳамда ногиронларнинг яшаша фаолияти шароитларини ҳисобга олади.
Атамаларнинг тавсифи 1-мажбурий иловада келтирилган.
Турар-жой уйлар, ётоқхоналар ва қариялар ва ногиронлар интернат уйларнинг қаватлар сонини, яшаш ва умумий юзаларини, қурилиш ҳажмини ҳисоблаб чиқиш қоидалари 2-мажбурий иловада келтирилган.
Ушбу меъёрларда мажбурий талаблар билан бир қаторда тавсиявий қоидалар ҳам келтирилган бўлиб, унда турар-жойнинг қулайлиги бўйича асосий синфлари аниқланган: «оддий (меъёрий)», «яхшиланган» ва «юқори»; турар-жой қулайлиги синфи бўйича хусусиятлари ва параметрлари 3- мажбурий иловада келтирилган.
Турар-жой қулайлиги «оддий (меъёрий)» синфига мос келадиган санитария-гигиена нормаларини меъёрий параметрларига риоя қилиш мажбурий бўлиб; хусусий қурилиш учун «яхшиланган» ва «юқори» класс қулайликли турар-жой параметрлари тавсиявийдир.