Ўзбекистон республикаси олий ва ўрта махсус таълим вазирлиги жиззах политехника институти н. Н. Алимов, Ж. Р. Турматов

2.8. Гуруҳларда ишни ташкил қилиш

Ўқув жараёнининг технологик картаси билан, таълимнинг гуруҳли шаклидан фойдаланган ҳолда танишиб чиқинг. Бу таълимнинг ушбу ташкилий шаклини амалга ошириш жараёнини ёрқин кўз олдингизга келтириш имкониятини беради.

Ишнинг босқичлари ва мазмуни	Фаолият
	Таълим берувчиники	Таълим олувчиники
I - босқич. Тайёрлов	Ўқув машғулотининг мавзусини аниқлайди, ўқув фаолиятининг мақсадлари ва натижаларини, унинг баҳолаш меъзонларини шакллантиради. Зарур ўқув материалларини тайёрлайди, гуруҳлар таркибини режалаштиради. Машғулотларни бошланишидан олдин, гуруҳларда ишлаш учун столдларни керакли тартибда жойлаштиришни ташкил қилади.	Аудиторияни гуруҳларнинг ишлаши учун тайёрлайди.
II - босқич. Гуруҳнинг вазифасини бажаришга кириш.	Билиш вазифасини қўяди (муаммоли ҳолатни таклиф қилади), уни амалга ошириш, амалда бажариш йўлларини ва кетма-кетликларини муҳокама қилади. Ишнинг якуни бўйича қандай натижалар кутилаётганлигини тушунтиради. Гуруҳлардаги ҳамкорликдаги фаолият натижаларини тақдим қилиш шакллари ҳақида ахборот беради. Ҳар бир ўқувчининг ва бутун гуруҳнинг натижаларини баҳолаш мезонларини тушунтиради. Таълим олувчиларни гуруҳларга ажратади. Ишни бажариш учун зарур бўлган материалларни гуруҳларга тарқатади. Вазифани бажариш пайтида қандай қўшимча материаллардан фойдаланиш мумкинлигини (зарурати бўлса) тушунтирилади. Вазифани бажариш бўйича йўриқномани тарқатади ёки доскага ёзиб қўяди. Ушбу йўриқномани таълим олувчилар Билан муҳокама қилади ва уни ҳамма тушунганига ишонч ҳосил қилади	Вазифани муҳокама қилишади. Ўқув материали ва йўриқнома билан танишадилар.
III - босқич. Гуруҳда ишлаш	Ишни координация қилади, танқидий фикрлар билдиради, шарҳлайди. Таҳлилий ҳарактерга эга саволлар беради. Саволларга жавоб беради. Бахсларни ва иш тартибини бошқаради. Зарурати бўлганда алоҳида таълим олувчиларга ва бутун гуруҳга ёрдам беради.	Гуруҳ ишини режалаштиради. Гуруҳнинг ичида ишни тақсимлайди. Вазифани индивидуал равишда бажарадилар. Индивидуал натижаларни муҳокама қиладилар. Гуруҳ томонидан бажарилган вазифага якун ясайдилар. Гуруҳ ишининг натижалари ва қўйилган вазифага эришганлик тўғрисида умумий хулосани шакллантирадилар. Гуруҳларнинг вакиллари ишнинг натижалари тўғрисида ахборот берадилар.
IV-босқич. Якун ясаш, таҳлил қилиш ва баҳолаш.	Гуруҳ вакилларига, ишнинг натижалари тўғрисида ахборот беришни, уларни ҳамкорликда муҳокама қили шва баҳолашни таклиф қилади. Гуруҳ ишини таҳлил қилади, вазифани бажариш натижаларига якун ясайди, қўйилган мақсадга эришганлик тўғрисида хулоса чиқаради.	Гуруҳларнинг вакиллари ишнинг натижалари тўғрисида ахборот берадилар.