Ўзбекистон республикаси олий ва ўрта махсус таълим вазирлиги жиззах политехника институти “автотранспорт” факультети

Ацетилен ишлаб чиқариш.
Ацетиленни кальций карбид (СаС₂) дан олиш аппаратига ацетилен генератор деб аталади. Генераторлар иш унуми, газ босими, ишлаш принципига кўра таснифланади (ГОСТ 5190-78).
Соатига 0,5-3 м³ гача ацетилен ишлаб чиқариш генераторлари кўчма, 5-160 м³ гача ацетилен ишлаб чиқарадиганлари стационар генератор дейилади.
Генераторларда газ босими 10 кПа гача бўлса, паст босимли, 70— 150 кПа бўлса, ўртача босимли генератор дейилади.
Ишлаш принципига кўра улар «карбидга сув», «сувга карбид» ҳамда комбинацияланган хилларга ажратилади. Генераторларнинг тузилиши ва ишлаши билан танишишга ўтишдан аввал кальций карбидни нимадан ва қандай олиниши хақида маълумот келтирайлик. Одатда, каль­ций карбидни коксни сўндирилмаган охак билан тегишли нисбатда қўшиб, электр печда 1900-2300°С температурали вакуум шароитда маълум вақт қиздирилиб, суюқ карбид кальций олинади (ЗС+ СаО = СаС₂+ СО).
Кейин у печдан ковшга чиқарилиб, чўян қолипларга қуйилади. Қотгандан сўнг қолипдан олиб, майдалаб сараланадида, пўлат листдан тайёрланган қопқоқланадиган барабанга киритиб, зич қопқоқланади. Чунки у хаво намини ютиб, тез парчаланади.
Барабанларга киритилган кальций карбид ўлчами 2-80 мм оралиғида бўлиб, ранги қорамтир-сарғиш, зичлиги эса 2,26—2,4 г/см³ оралиғида бўлади, кальций карбидли барабан массаси 100—120 кг оралиғида бўлади. Техник кальций карбидда 20-30% гача бошқа қўшимчалар бўлгани сабабли 1 кг кальций карбиддан 230-280 л ацетилен олинади.
Кейинги вақтда арзонроқ ацетилен табиий газ, нефть ва тошкўмирдан ҳам олинмоқда.
Металларни пайвандлашда бошқа ёнувчи газлардан фойдаланишда уларнинг кислородли аралашмаси ёндирилганда аланга температураси пайвандланувчи металлнинг суюқланиш температурасидан икки марта зиёд бўлишини ҳисобга олмоқ керак.
1-Расмда «карбидга сув» таъсир эттириш принципида ишловчи, кўпроқ тарқалган РА типидаги кўчма газ генераторларининг тузили­ши ва ишлаши схематик тарзда келтирилган. Бу генераторни ишга тушириш учун унинг корпуси 7 га воронкадан маълум миқдорда сув қуйилади. Кейин ундан реторта 4 олиниб, унинг саватининг туридан ўтмаган ҳолда кальций карбид билан тўлдирилгач, ретортага киритилиб, қопқоғи беркитилади. Сўнгра ретортага ниппель 14 ли резина шланг 15 орқали сув киритилади.
Бунда сув кальций карбид билан реакцияга киришади:
СаС₂+ 2Н₂0 = С₂Н₂ +Са(ОН)₂+ Q.