Ўзбекистон республикаси олий ва ўрта махсус таълим вазирлиги ж. М.Қурбонов, З. Э. Мамарасулов

 
Қорин соҳаси ва қўлнинг турли қисмларидаги жароҳатларга 
боғламлар қўйиш. 
Қорин соҳаси жароҳатлари
 
орасида қорин деворини тешиб 
кирган ҳолатлар одамнинг ҳаѐти учун жуда хавфлидир. Бундай ҳолатларда 
қорин бўшлиғидан ички аъзолар, ичак-чавоқлар, қовуқ, чарви ташқарига чиқиб, 
катта миқдорда қон кетиши, жароҳат юзаси ички ва ташқи инфекциялар, нажис 
билан ифлосланиши тиббий, албатта. 
Шундай экан, очилиб-сочилиб, ифлосланиб ѐтган ички аъзолар, ичак-
човоқларни яна қорин бўшлиғига қайтариб солиш асло ярамайди! Ташқарига
чиқиб қолган аъзолар атрофидаги жароҳатни стерил салфетка, бинт билан 
авайлаб ўраш, устини беркитиш, кейин эса, салфетка, дока, бинт орасига 

---

230 
юмшоқ пахта солиб, уларни халқа ҳолида жароҳат юзасига аста-секин қўйиб,
боғлаш зарур. 
Қоринга тешиб кирган жароҳати бор одамга асло сув ичириб бўлмайди. 
Фақат сув шимдирилган дока, бинт, пахта билан лабларини ҳўллаб туриш 
мумкин.
Қориннинг устки қисмига стерил боғлам қўйиш учун бинт пастдан юқори 
томон айлантириб, ўраб чиқилади. Қориннинг пастки қисмига спиралсимон 
боғлам қўйиладиган бўлса, у сирғалиб тушиб кетаверади. Шунинг учун қорин 
ва чов соҳаларига бошоқсимон боғлам қўйилгани маъқул. 
Бундай боғлам қоринни бинт билан айлантириб ўрашдан бошланади, 
сўнгра бинт сонининг ташқи юзаси бўйлаб уни ўраб ўтади ва яна қоринни 
айлантириб ўрайди. Қорин қисмида қўйилган жароҳат бўлса, унинг устини 
клеоль ѐки ѐпишқоқ пластирдан фойдаланган ҳолда стерил салфетка, дока, 
бинт билан боғлаб қўйилади. 
Қўлнинг турли қисмларидаги жароҳатларга одатда айланма, бошоқсимон 
ва бутсимон боғламлар қўйилади. 
Бармоққа айланма боғлам қўйиш кафт устини айлантириб ўрашдан 
бошланади. 
Кейин бинтни қўл панжасининг орасидан тирноқ фалангаси томон 
йўналтирилади. Бармоқнинг учидан асосигача спирал шаклида ўраб чиқилади, 
яна қўл панжасининг орасидан ўтказилиб, бинт кафт устига боғлаб қўйилади. 
Қўл панжасининг кафт ѐки орқа томони шикастланганида бутсимон 
боғлам кафт устида ушлаб турадиган ўрам билан бошланади, сўнгра бинт 
кўрсатилганидек, қўл панжасининг орқасидан кафтига ўтказилади. 
Елка ва билакка спиралсимон боғлам солинади, бунда бинтни дам-бадам 
қайрилтириб, пастдан юқорига ўралади. 
Тирсак бўғими шикастланганида бинт спиралсимон шаклда ўралади, 
бунда бинт ўрамлари тирсак чуқурчасидан кесиштирилиб, елкага солиб 
ўралади. 
Елка бўғимини боғлашда (40-расм) 
бинтни аввал соғлом томондаги қўлтиқ ости 
чуқурчасидан кўкрак (1) ва шикастланган 
елканинг ташқи юзаси орқадан соғлом 
қўлтиқ ости чуқурчаси оша кўкракка 
ўтказилади (3) ва бўғимнинг ҳаммаси 
бекилмагунча 
бинт 
ўрамлари 
қайталанаверади, кейин бинт учи туғноғич 
билан кўкракка илиб қўйилади.