Ўзбекистон республикаси олий ва ўрта махсус таълим вазирлиги ислом Каримов номидаги

21-расм

Биринчи марта яримсаноат шароитида Кўк-Патасс (Ўзбекистон) кони олтинмаргимушли концентратларини чанда бактериал танлаб эритиш технологияси ишлаб чиқилди. Концентрат таркибида 8,4% маргимуш, 26,8% темир, 24,3% олтингугурт ва 31 г/т олтин бор.

Юқори маргимуш таркибли бундай концентратлар учун икки босқичли схема кўзда тутилган (23-расм). Бу схеманинг ўзига хослиги шундаки, биринчи босқич танлаб эритишдан кейин пульпа таснифланишга йўналтирилади, у ерда цианлашга жўнатиладиган йириклиги -0,044 мм бўлган материал ажратиб олинади, қумли қисми эса танлаб эритишнинг иккинчи босқичига келиб тушади. Биринчи босқичдан кейин ажратиб олинган йириклиги 0,044 мм дан кам бўлган материалдан олтин цианлаш билан 90-91% га ажратиб олинади, қумли фракциядан эса фақатгина 81% ажратилади. Бундай икки босқичли схемани қўллаш танлаб эритишнинг умумий давомийлигини деярли 2 мартагача, яъни 42 соатгача камайтиришга имкон беради. Танлаб эритиш жараёнида рН кўрсаткичи 2,5 дан 1,5 гача пасайиб кетади, эритмада маргимуш таркиби 4,5 г/л, темир 7 г/л гача кўтарилади. Кеклардан олтинни бактериал танлаб эритиш билан ажратиб олиш 91-92% ташкил қилди, бактериал очишсиз бу кўрсаткич 11-12% дан ошмайди.
Бактериал танлаб эритишни қўллаш юпқа заррали олтинни очиш учун юқори самара бериши айниқса Бакирчик ва Нежданинск конлари ўжар концентратларини қайта ишлашда кўрсатилган. Бу концентратларнинг ўжарлиги улар таркибидаги маргимушнинг арсенопирит шаклида келиши, олтиннинг жуда юпқа зарра шаклида асосан арсенопирит таркибида бўлиши ва кўмирли сланцларнинг юқори таркиби билан тушунтирилади.
Бакирчик кони рудаларини бойитишда ажратиб олинган олтинмаргимушли концентратлари (5-жадвал) нафақат олтин ва маргимуш таркиби, балки углерод билан ҳам боғлиқ бўлиб, у асосан пиритли фракция билан боғланган. Концентратлар аралашмаси уларни рудадан ажратиб олишга мўлжалланган технологиясига мос равишда танлаб эритишга берилган.
3 - жадвал
Олтинмаргимушли концентратларнинг кимёвий таркиби

Элементлар, %	Месторождения
	Зод	Кок-патасск	Бакырчик	Нежданинск	Олимпиада	Майск	Кючус	Зармитан
Олтин, г/т	55,4	32,4	34-94,0	21-150	49.0	60,8	36,5	35
Кумуш, г/т	42,5	7,4	15,4	120-1300	4,0	9,0	9,8	239
Маргимуш	2,08	9,96	5,7-7,9	9,1-20,3	3,73	5,7	4,6	16,4
Темир	27,09	26,6	10-13,8	14,7-19,2	21,98	19,8	10,1	30,17
Олтингугурт	26,15	24,1	10-12,1	15-19,5	14,5	18,3	5,56	29,47
Углерод			7,6	7,7	5,06	2,4	1,38	0,15
Сурма						1,4