Ўзбекистон республикаси олий ва ўрта махсус таълим вазирлиги ислом Каримов номидаги

Маъруза №11.
Ўжар олтинмаргимушли концентратларни чанда бактериал танлаб эритиш технологияси


Режа: 1. Бактериал танлаб эритиш жараёнининг асосий цикллари
2. Олтинмаргимушли концентратларни бактериал танлаб эритиш технологиясини ишлаб чиқиш
3. Олтинмаргимушли концентратларни қайта ишлаш амалиёти

Олтинмаргимушли концентратларни бактериал танлаб эритиш жараёни схемаларининг тури кўплигига қарамасдан уларнинг ҳаммаси ўз ичига қуйидаги асосий циклларни (18 расм) олади: бошланғич маҳсулотни танлаб эритишга тайёрлаш цикли; пульпани тайёрлаш цикли; бактериал танлаб эритиш циклининг ўзи; танлаб эритиш маҳсулотларини қаттиқ ва суюқ фазага ажратиш; бактериал танлаб эритиш кекига ишлов бериш цикли; бактериал эритмаларга ишлов бериш цикли; бактериал танлаб эритиш маҳсулотларини зарарсизлантириш цикли.

Танлаб эритиш учун бошланғич материални тайёрлаш бошланғич рудадан олиш босқичида бошланади, масалан, уни бойитиш усуллари билан маълум моддавий ва минералогик таркибли маҳсулот олиш, бу эса уни танлаб эритишда энг юқори самарани таъминлайди. Деярли барча ўжар олтин таркибли концентратлар бошланғич рудадан гравитация ва флотация усуллари билан ажратиб олинади. Олинаётган гравитация концентратларини йириклиги 1-2, баъзида ундан ҳам кўп бўлади. Флотация концентратлари эса -0,074 мм синф йириклиги 80-90% бўлади. Шу вақтнинг ўзида олтин таркиби бўйича бой бўлган гравитация концентратлари одатда маргимушнинг юқори таркиби билан фарқ қилади.


Бактериал танлаб эритишнинг асосий цикллари

Бошланғич маҳсулотни тайёрлаш

Пульпани тайёрлаш

Бактериал
танлаб эритиш





Қаттиқ ва суюқ фазаларни ажратиш





Суюқ фаза


Қаттиқ фаза


Металларни ажратиш

Ишлов бериш








Товар маҳсулоти

Бактериал эритма





Металлар ва уларнинг бирикмалари

Регенерация