Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

IV. Янги ўтилган мавзуни мустаҳкамлаш ва баҳолаш:
1. Машиналар ишлаб чиқаришда ва турмушда қўлланиладиган техника ва воситалар бошқалардан нима билан фарқланади?
2. Машиналар вазифасига кўра қандай таснифланади?
3. Ҳозирги замон ишлаб чиқариш технологияси қандай йўналишлар бўйича такомиллашмоқда.
4. Чиқиндисиз ва кам чиқиндили технология нима?
5. Мактаб устахонасида металл ва ёғоч чиқиндиларини қандай қилиб камайтириш мумкин?
V. Дарсни якунлаш (хулосалаш) ва уйга топшириқ бериш.


5-машғулот.
"Технология ва дизайн" ва "Сервис хизмати" йўналишлари учун
Мавзу: Меҳнат предметига механик таъсир этиш орқали амалга ошириладиган технологик жараёнлар


Дарснинг мақсади:
1) таълимий - ўқувчиларнинг турли хом ашёларга механик ишлов бериш ҳақида билимларини кенгайтириш;
2) тарбиявий - ўқувчиларда ишлаб чиқариш соҳаларидаги касбларга нисбатан қизиқиш уйғотиш, уларда янгиликка интилиш ҳиссини тарбиялаш;
3) ривожлантирувчи - ўқувчиларнинг янги техника ва илғор технология ҳақидаги билимларини ривожлантириш.
4) илмий-ўқувчиларда илғор технологияларни қўллаб хом ашёларга ишлов бериш жараёнлари ва бу жараёнларни бажариш йўллари хақидаги билим ва кўникмаларни кенгайтириш.
5) амалий-ўқувчиларда хом ашёларга механик таьсир этиб, улардан зарурий буюмлар тайёрлаш малакасини кенгайтириш.
Касбга йўналтирувчи мақсад: ўқувчиларнинг ишлаб чиқариш соҳаларида янгиликларни қўллашга оид билимларини кенгайтириш орқали уларни шу касбларга бўлган қизиқишларини мустаҳкамлаш, бирор касбни танлашларига кўмаклашиш.
Дарснинг вазифалари:
- турли материаллар ҳақида тушунча бериш;
- илғор техника ва технологиялар ҳақида маълумот бериш.
- ишлаб чиқариш соҳаларининг ривожланиши бевосита янги техника ва илғор технологияларни жорий этиш билан боғлиқлигини тушунтириш.
Дарс типи: Янги билимлар бериш.