Ўзбекистон республикаси олий ва ўрта махсус таълим вазирлиги фарғона давлат университети педагогика факултети

II БОБ. ПРЕЗИДЕНТИМИЗ ФАРМОНЛАРИ ВА ҚАРОРЛАРИДА БАРКАМОЛ АВЛОД ТАРБИЯ МУАММОЛАРИНИНГ АКС ЭТТИРИЛИШИ


2.1. Баркамол авлод тарбиясида жисмоний тарбия ва спорт тарғиботини янада кучайтириш чора-тадбирлари тўғрисидаги қарорларнинг моҳияти


1997 йил 25 август, 412-сон
Ўзбекистон Республикаси Вазирлар Маҳкамасининг
қарори (Вазирлар Маҳкамасининг Раиси И. КАРИМОВ)
ОММАВИЙ СПОРТ ТАРҒИБОТИНИ ЯНАДА КУЧАЙТИРИШ ЧОРА-ТАДБИРЛАРИ ТЎҒРИСИДА
Ушбу қарорга Ўзбекистон Вазирлар Махкамасининг 2003 йил 4 ноябр 484-сонли қарори билан ўзгартириш киритилган.
Мамлакатимиз аҳолиси ўртасида соғлом турмуш тарзини қарор топтириш мақсадида жисмоний тарбия ва спортни кенг миқёсда ривожлантириш устувор масалалардан бирдир. Юртимиз вакилларининг турли халқаро беллашувларда, Олимпиада ўйинлари ва Жаҳон биринчилиги мусобақаларида юксак натижаларга эришаётгани, спорт ўйинлари тобора оммалашиб бораётгани айниқса эътиборлидир.
Шу билан бирга, оммавий спортнинг инсон ва оила ҳаётидаги ролини, унинг жисмоний ва маънавий соғломликнинг асоси эканини тарғиб-ташвиқ қилиш, ҳаётга катта умид билан кириб келаётган ёшларга ўз қобилият ва истеъдодини рўёбга чиқаришда спортнинг аҳамиятини очиб бериш, дунёда Ўзбекистоннинг обрў-эътиборини янада ошириш борасида оммавий ахборот воситалари ўзининг муносиб ўрнини ҳамон топа олмаётганини, мавжуд имкониятлардан самарали фойдаланмаётганини таъкидланган.
Мамлакатимизда оммавий спортни янада ривожлантириш, унинг моҳияти ва аҳамиятини, бу борада амалга оширилаётган катта ишлар ва бажарилиши лозим бўлган вазифаларни кенг жамоатчиликка етказиш, тарғибот ва ташвиқот ишларини такомиллаштириш мақсадида Вазирлар Маҳкамаси мазкур қарорни қилди.
1997 йил 25 август 414-сон
Ўзбекистон Республикаси Вазирлар Маҳкамасининг
қарори (Вазирлар Маҳкамасининг Раиси И. КАРИМОВ)
Ўзбекистонда Республикасида теннисни ривожлантиришни қўллаб-қувватлаш жамғармасини ташкил этиш тўғрисида
Республикада теннис спорт турини ривожлантириш ва унинг моддий базасини мустаҳкамлаш, теннисни оммавийлаштириш, шахснинг ҳар томонлама ва уйғун камол топишида жисмоний тарбия ва спортнинг ролини ошириш, соғлом авлодни тарбиялаш мақсадида Ўзбекистон Республикаси Давлат жисмоний тарбия ва спорт қўмитаси, Тошкент шаҳар ҳокимлиги, Ўзбекистон Республикаси Теннис федерациясининг таклифларини инобатга олиб Вазирлар Маҳкамаси қарор қабул қилди.