Ўзбекистон республикаси олий ва ўрта махсус таълим вазирлиги давлат солиқ ҚЎмитаси

Ўқув режадаги бошқа фанлар билан боғлиқлиги
Маданиятшунослик фани – тарих, фалсафа, социология, этнография, ижтимоий психология, маънавият асослари каби бир қатор фанларнинг кесишувида вужудга келган ва мустақил фан сифатида шаклланган янги ижтимоий гуманитар фан ҳисобланади. Унинг тадқиқот объекти ижтимоий воқелик бўлган инсоният маданияти ва ҳаёти, маиший турмуши, яшаш тарзи ҳисобланади. Унда маданиятнинг вужудга келиши, ривожланиши, жамиятда амал қилиши билан боғлиқ масалалар, маданият ривожи қоидалари, институтлари, моддий ва маънавий қадриятларнинг жамият ҳаёти ва ривожланишидаги ўрни ва уларда узвийлик жараёнлари ўрганилади.
Фанни ўқитишда замонавий ахборот ва педагогик технологиялар
Ўқув жараёни билан боғлиқ таълим сифатини белгиловчи ҳолатлар қуйидагилар: юқори илмий-педагогик даражада дарс бериш, муаммоли маърузалар ўқиш, дарсларни савол-жавоб тарзида қизиқарли ташкил қилиш, илғор педагогик технологиялардан ва мултимедиа воситаларидан фойдаланиш, талабаларни ундайдиган, ўйлантирадиган муаммоларни улар олдига қўйиш, талабчанлик, талабалар билан индивидуал ишлаш, эркин мулоқот юритишга, илмий изланишга жалб қилиш.
“Маданиятшунослик” курсини лойиҳалаштиришда қуйидаги асосий консептуал ёндошувлардан фойдаланилади:
Шахсга йўналтирилган таълим. Бу таълим ўз моҳиятига кўра таълим жараёнининг барча иштирокчиларининг тўлақонли ривожланишини кўзда тутади. Бу эса таълимни лойиҳалаштираётганда, албатта, маълум бир таълим олувчининг шахсини эмас, аввало, келгусидаги мутахассислик фаолияти билан боғлиқ ўқиш мақсадларидан келиб чиққан ҳолда ёндашилишни назарда тутади.
Тизимли ёндашув. Таълим технологияси тизимнинг барча белгиларини ўзида мужассам этмоғи лозим: жараённинг мантиқийлиги, унинг барча бўғинларини ўзаро боғланганлиги, яхлитлиги.
Фаолиятга йўналтирилган ёндашув. Шахснинг жараёнли сифатларини шакллантиришга, таълим олувчининг фаолиятини активлаштириш ва интенсивлаштириш, ўқув жараёнида унинг барча қобилияти ва имкониятлари, ташаббускорлигини очишга йўналтирилган таълимни ифодалайди.