Ўзбекистон Республикаси Олий ва ўрта махсус таълим вазирлиги Бобур номидаги Андижон Давлат университети

Шаҳарга ўткан мулклар

Инқилоб бошидан бери шаҳаримизда шаҳар қўлиға олинған хоналар 167 та эди. Ул хоналарнинг кўпи инқилобнинг қизғин даврларида, албатта, нотўғри олинған ва шаҳар учун ярамас уйлар бўлған, шунинг учун ўткан йили бу хоналар бир қадар текширилиб, натижада 70 фоизи эгаларига қайтарилишқа тегиш топилған эди. Бу ҳақдаги қарор марказий шаҳар хўжалиғи идорасига юборилғандан кейин у идора тасдиқ қилмади ва ишни қайтадан текширишга буюрди. Шундан сўнг бу ишни текширмак учун рефкўм, шаҳар хўжалиғи ва тафтиш назорати вакилларидан иборат алоҳида бир камисия тузулди. Ушбу йил январь ойида тузулган бу камисия яқиндағина ишларини тугатди. Бу камисиянинг қарориға мувофиқ шаҳар қўлиға ўткан хоналардан фақат 30 фоизигина эгаларига қайтарилиб, қолғанлари шаҳар қўлида қоладир. Қолғанлиғи пухта ва аниқ бўлған жойлардан тегишсиз кишилар чиқарила бошланди. Ўлтуруб қола турғанларидан ҳам ижора сўраладир. Ҳозир ул биноларнинг шикаст рихтларини тузатмак учун рефкўм тарафидан алоҳида пул чиқарилиб, шунинг ҳаракатига киришилди.

Экинлик шаҳар жойлари

Шаҳар чегараси ичида бўлған подшоҳлиқ ерлар ва шаҳар қўлиға олинған экинлик ерлар буткул шаҳар қўлида қоладир. Бундай ерларни экганлардан ҳозир шаҳар фойдасига саржинига олтун баҳоси билан 2 тийиндан ижора олина бошлайдир.

Янги шаҳарнинг ободончилиқ ишлари

Яқинда янги шаҳардаги аҳолининг умум мажлиси бўлуб, янги шаҳар кўчаларига электрик фанор қўйдирмоқ ва кўчаларга сув сепмак тўғрисида масала қўзғатилди. Мажлис бу ҳақдаги доқладларни эшиткандан сўнг шул ишларни қилмоққа қарор берди. Шаҳар хўжалиғи шуъбаси мазкур қарор юзасидан янги шаҳар кўчаларига электрик чироғлари қўйуш ва сув сепиш ишини мазкур аҳолининг ўзига топшурди.

Бу ишни юзага чиқармоқ учун ҳозир алоҳида бир камисия ишламакдадир.


Кўпруклар

Иккала шаҳардаги бузуқ кўпрукларни тузатмак учун шаҳар хўжалиғи шуъбаси томонидан ҳозир иш бошланди.