Ўзбекистон Республикаси Олий ва ўрта махсус таълим вазирлиги Бобур номидаги Андижон Давлат университети

Тиётр биноси

Иона ва ёрдам пуллари билан ишлана бошлаған тиётр биноси битишга яқинлашқан вақтида маблағ йўқлиғидан сўнг вақтда ишлари тўқталуб қолған эди. Ҳозир рефкўм қарорига мувофиқ бинони тугатиш иши шаҳар хўжалиғи шуъбасига топшурулди. Шуъба ҳозирдан ҳаракатга кирди ва тездан битиришга урунадир.

Дўканлар

Икала шаҳардаги подишоҳлиқ дўканларининг эски ижоралари тугалгани учун биринчи июлдан бошлаб олти ой миддат билан янги ижора қилинадир.

Мактаб бинолари

Мактаблар ва бошқа бутун маориф муассасалари жойлашқан бинолар шаҳар қўлида деб ҳисобланадир. Уларнинг шикаст-рихтларини тузатиш жуда лозим бўлса ҳам, маблағ йўқлиғидан бу иш тўқталиб туруб эди. Ҳозир ул тўғрида ҳам ҳаракат ва ҳозирлиқ кўрулуб турадир. Биринчи фурсат чиқиши билан ишга бошланур.

Молия ишлари

Шаҳарнинг молия ишлари яхши эмас, оғир. Бунинг катта сабаби, албатта, шаҳарнинг бир неча йиллар тинчсиз бўлушидир. Энди шаҳар тинчланмоққа бошлади. Тинчлиқ бўла бериши нисбатида шаҳарнинг моли сарвати ҳам ўса борса керакдир.

Терговчи Войлошников Султонмаҳмуд Холботиров ҳибсга олинган куниёқ уни сўроқ қилган. Тергов баённомасида отаси ҳақидаги саволга отам Андижон эски шаҳарида бош оқсоқол бўлган, 1899 йили вафот этган, унинг ўлимидан сўнг хўжалик қолган эмас, чунки ер ва бошқа мулк қолган эмас, ўзимнинг ҳам инқилобгача ва ундан сўнг ҳам ҳеч қандай хусусий мулким бўлмаган, ёлланиб меҳнат қилганман, партия тозалови ўтказилган вақтда Марҳамат туманида халқ маорифи бўлими мудири бўлиб ишлаётган эдим, 1926 – 1927 йилларда Андижонда аксилинқилобий, миллатчи ташкилот мавжудлигидан хабарим йўқ деб жавоб қилган. Терговчи ундан ҳибсга олинган бир қанча андижонликларнинг аксилинқилобий ташкилотдаги фаолиятини айтиб беришни талаб қилган.
Сержант Чалий 1937 йил 4 ноябрда С.Холботировни Жиноят кодексининг 67-моддаси билан айблайди. Унинг жинояти 4 бандда баён қилинади:
а) аксилинқилобий кайфиятда бўлиб, «Миллий иттиҳод» миллатчи, аксилинқилобий ташкилотида фаол иштирок этган, яширин ташкилотнинг Марказий Комитети аъзоси Ёқубжон Исақулов (у отилган) ва ташкилотнинг Андижон филиали раиси Ҳасанхон Ниёзов раҳбарлигида аксилинқилобий, миллатчилик ишлари олиб борган;
б) 1932 – 1933 йилларда Марҳамат тумани халқ маорифи мудири лавозимидалигида «Миллий иттиҳод»нинг Марҳамат тумани филиали йиғилишларида фаол қатнашган, ташкилотга шахсан ўзи янги аъзоларни тортган;
в) ташкилот топшириғи билан халқ маорифи бўлими аппаратига душман унсурларни жойлаштирган ва халқ маорифи бўлими аппарати ишини узил-кесил издан чиқарган;
г) колхозга қарши тарғибот олиб бориб, колхозларнинг бузилиб кетишига ҳаракат қилган».
Унинг иши кўриб чиқиш учун ЎзССР НКВДси қошидаги учликка юборилади. Учлик 1937 йил 13 ноябрда Султонмаҳмуд Холботировни 10 йилга қамоқ жазосига ҳукм этади.
У ҳам акалари Султонмасъуд, Шоҳрух каби ўлимидан сўнг оқланади, ноҳақдан жазолангани исботланади. Ўша мудҳиш 1936 – 1938 йилларда Андижонда қатағонликни амалга оширган Чалий, Войлошников, Берг ва бошқалар ҳам «ижод» қилган «ихтиролари» учун олий жазога ҳукм этилганлар.