Ўзбекистон республикаси олий ва ўрта махсус таълим вазирлиги қарши муҳандислик иқтисодиёт институти кимёвий технология кафедраси

Компонентларнинг номлари
Компонентларнинг миқдорлари, %
Стандарт рецептура	Тавсия этилган рецептура
1	Полиэтилен хом-ашёси	96,36	96,36
2	Иргонокс-1010	2,64	-
3	Сантанокс	1,0	-
6	Госсипол смоласи	-	3,64
	Жами:	100	100

3.2. Полиэтилен деструкцияси ва уни стабиллаш
Пластмассаларни шу жумладан полиэтиленни қайта ишлаш ва фойдаланиш жараёнида иссиқлик, нур, хаводаги кислород, кимёвий реагентлар, механик кучлар, микроорганизмлар ва бошқа омилларнинг таъсири натижасида турли хил физикавий ва кимёвий ходисалар содир бўлади. Полимерларни қайта ишлаш жараёнида кетиши мумкин бўлган реакциялар қуйида келтирилган. Бунинг натижасида полиэтиленни физикавий ва физик-кимёвий хоссалари ёмонлашади. Бу жараён кўпинча полимер макромолекулаларидаги асосий боғларнинг узилиши оқибатида молекуляр массанинг камайиши хисобига содир бўлади. макромолекулаларнинг турли хил физикавий ва кимёвий агентлар таъсирида парчаланиши деструкция дейилади. Шундай қилиб, деструкция натижасида полимернинг молекуляр массаси камаяди, кимёвий тузилиши, физикавий ва механик хоссалари ўзгаради.

Демак, полимерларни қайта ишлашда ва улардан фойдаланишда, кимвий ва физикавий усуллар билан хоссаларини ўзгартирганда деструкция жараёнининг содир бўлиши салбий оқибатларга олиб келади. Кимёвий деструкция реагентлар (сув, кислота, ишқор, туз, кислород ва хаказолар), фзикавий деструкцияни эса физикавий таъсирлар (иссиқлик, ёруқлик, механик энергия, турли нурлар ва хоказолар) келтириб чиқаради.
Деструктив жараёнларни текширишда физик-кимёвий усуллар, спектроскопик, газохроматографик, дифференциал термик анализ, массоспектроскопик ва бошқа усуллардан фойдаланилади.
Кимёвий деструкция асосан қутбли реагентлар таъсирида боради. Гидролиз реакцияси энг кўп тарқалган кимёвий деструкцияларнинг биридир. Полимерларни гидролиз реакцияларига мойиллигини унинг функционал гурухлари ва кимёвий боғлари белгилайди. Бу нуқтаи назардан полиэтилен кам кимёвий деструкцияга (гидролизга) учрайди.