Ўзбекистон республикаси олий ва ўрта махсус таълим вазирлиги қарши муҳандислик иқтисодиёт институти кимёвий технология кафедраси

3.3. Термик барқарорлиги оширилган полиэтиленнинг физик-механик хоссаларини тадқиқ қилиш
Полиэтиленни қайта ишлаш ва фойдаланиш жараёнида иссиқлик, нур, хаводаги кислород, кимёвий реагентлар, механик кучлар, микроорганизмлар ва бошқа омилларнинг таъсири натижасида турли хил физикавий ва кимёвий ходисалар содир бўлади. Полимерларни қайта ишлаш жараёнида кетиши мумкин бўлган реакциялар юқорида келтириб ўтилди. Бунинг натижасида полиэтиленни физикавий ва физик-кимёвий хоссалари ёмонлашади. Бу жараён кўпинча полимер макромолекулаларидаги асосий боғларнинг узилиши оқибатида молекуляр массанинг камайиши хисобига содир бўлади.
Масалан, поливинилхлоридни термик барқарорлиги ошириш учун бир қанча тажриба ишлари амалга оширилган бўлиб, бунда саноат чиқиндилари Т-маҳсулоти ва госсипол смолаларидан фойдаланилган. “Капролактам” заводи технологик чиқиндиси Т-маҳсулоти ва госсипол смоласи асосида юқори самарали кимёвий модифицирланган термостабилизаторлар яратилган ҳамда ишлаб чиқаришда қўлланилган. Шунингдек, полиэтиленни ҳам қайта ишлаш даврида унда кечадиган деструктив жараёнларни олдини олиш учун олимлар ва мутахассислар томонидан кўплаб тажрибалар амалга оширилган. Жумладан, биз томондан ўзимизнинг “Шўртангангазкимё” мажмуасида ишлаб чиқарилаётган полиэтиленни термик барқарорлигини ошириш ва унинг физик-механик хоссаларига бўлган таъсирларни ўрганиш учун ёғ-мой саноати чиқиндиси бўлмиш госсипол смоласи билан кўплаб тажриба-синов ишлари олиб борилди. Олиб борилган тажриба натижалари шу пайтгача ишлатиб келинган анъанавий термик барқарорлаштирувчи моддалар Сантанокс ва Ирганокс-1010 лардан қолишмаслиги, ҳатто баъзи кўрсаткичлари билан устун туриши аниқланди. Қуйидаги жадвалларда тажриба натижалари келтирилган:
-жадвал
Стабилланган ва стабилланмаган полиэтиленнинг физик-механик хоссалари

Кўрсаткичлар	Қўшимчасиз ПЭ	ПЭ + 0,2% «Иргонокс 1010»	ПЭ + 0,2% «АН-1»	ПЭ + 0,2% «АН-2»	ПЭ + 0,2% «ГС»