Ўзбекистон республикаси олий ва ўрта махсус таълим вазирлиги алишер навоий номидаги

МИТОХОНДРИЯЛАР. Митохондриялар ҳужайра протоплазмасидаги 
асосий органоидлардан бири бўлиб, улар асосан энергия манбаи ҳисобланади. 
Ўсимлик ҳужайрасида улар думалоқ, гантелсимон шаклда мавжуд, диаметри 
0,4-0,5 мкм ва узунлиги 1-5 мкм га тенг. Ҳар бир ҳужайрада бир неча ўнтадан 
то 2000 тагача учрайди. Митохондриялар қалинлиги 5-6 нм га тенг ташқи ва 
ички мембраналарга эга (6-расм). Ички мембранаси қават-қават бўлиб 
жойлашади ва кристлар деб аталади.
6-расм. Митохондриянинг схематик тузилиши 
Модда алмашув жараёнида роли жуда катта. Улар нафас олиш маркази, 
АТФ ларни ҳосил қилувчи органоид бўлганлиги учун энергия манбаи 
ҳисобланади. Энергиянинг ҳосил бўлишида ва кўчирилишида таркибидаги 
ферментлар (сукцин-оксидаза, цитохромоксидаза) асосий роль ўйнайди. 
1961 йилда Грин аниқлашича ўсимлик ҳужайраларидаги митохондриялар 
ҳар 5-10 кунда янгиланиб туради. Митохондриялар ўзининг ДНК, РНК ва 
рибосомаларига эга бўлиб, ўзлари мустақил оқсил синтез қилиш қобилиятига 
эга. 
Кейинги йиллардаги текширишлар натижасида митохондрия 
ва 
пластидалар бир-бири билан генетик боғлиқ эканлиги аниқланди. Яъни 
ҳужайра ядросининг иккала мембранаси иштирокида қавариқ бўртмалар ҳосил 

---

16
бўлади. Ядро мембранадан узилиб чиққан пуфакчалар инициал таначалар деб 
аталади. Улар ривожланиб митохондрия ва хлоропластларга айланади (7- расм). 
7 - расм. Ҳужайра мембрана структуралари орасидаги онтогенетик муносабат 
1 - ядро пўсти,2 - эндоплазматик тўр, 3- рибосомалар, 4-инициал таначалар, 5 - 
митохондрия, 6 - пластида, 7- сферосома,8-Гольджи аппарати, 9 -вакуола, 10- плазмалемма, 
11 - плазмодесма,12 - ҳужайра пўсти 
ЛИЗОСОМАЛАР. Лизосомалар ҳажми жиҳатидан митохондрияларга 
тенг лекин солиштирма оғирлиги улардан кам бўлган органоидлардир.Улар 
асосан нордон ферментлар манбаи бўлиб ҳисобланади. Бу ферментлар 
қаторига нордон рибонуклеаза, нордон дезоксирибонуклеаза ва катепсинлар 
киради. Айниқса оқсилларни, нуклеин кислоталарини, глюкозидларни гидролиз 
қилишда иштирок этувчи ферментлар тўпланган. Бу ферментлар ҳужайрадаги 
турли моддаларни сув ёрдамида парчалай олиши учун уларга лизосомалар деб 
ном берилган.Булар барча тирик ҳужайралар учун универсал органоид 
ҳисобланади. Улар ҳужайрадаги озуқа моддаларни ҳазм қилувчи орган 
сифатида ҳам қаралади. Лизосома ичида борадиган ҳазм жараёни натижасида 
ҳосил бўлган аминокислоталар, нуклеотидлар лизосомалар мембранаси орқали 
диффузия қилиниб, цитоплазмага чиқади. Бу моддалар ҳужайранинг нафас 
олиш жараёнида ёки макромолекулаларнинг биосинтезида қатнашади.