Ўзбекистон республикаси олий ва ўрта махсус таълим вазирлиги алишер навоий номидаги тошкент давлат ўзбек

 
ОЙКОНИМИК АСОС, БИРЛАМЧИ ОЙКОНИМИК ФОРМАНТ, 
ОЙКОНИМИК ИНДИКАТОР ВА ИККИЛАМЧИ ОЙКОНИМИК 
ФОРМАНТЛАРДАН ТАШКИЛ ТОПГАН ОЙКОНИМЛАР 
 
Мазкур гуруҳга кирувчи ойконимларнинг таркиби олдингилардан 
фарқлангани ҳолда ойконимик асос, бириламчи ойконимик формант,
ойконимик индикатор ва иккиламчи ойконимик формант кўринишида 
ономастик қолипланиш хусусиятига эга. Масалан, Яримчи овули (Бўзёп 
(Бузёп) ОФКдаги овул) – ярим – топоасос, -чи бирламчи ойконимик 
формант, овул – индикатор (аниқроғи, топоиндикатор), -и эса иккиламчи 
ойконимик формант. Чунки номда топоасосдан сўнг келган ойконимик 
формант ойконимик асосга бирикиб, бир бутун бўлиб кетган бўлса-да, бироқ 
унинг ойконимик формантлигини аниқлаш мумкин. Сабаби, яримчи сўзи 
аппелятив лексика сатҳида қўлланганда камлик, ярим, нисбатан оз деган 
маъноларда ишлатилса, шу сўз ономастик лексика сатҳига ўтиб, унинг 
ойконимик асоси вазифасини бажарса, топонимлашув ҳодисасига 
киришилган бўлади. Бу жараёнда унга ойконимик индикатор ҳам қўшилади: 
ярим > ярим+чи > яримчи + овул+и > яримчи овули > Яримчи овули.
Бу ойконимик қолипланиш ўрганилган ойконимларда кам бўлса-да, 
учраб туради. Бу тарзда шаклланган ойконимик қолипланиш тизимига 
қуйидаги ойконимларни мисоллар сифатида келтириш мумкин: Кепакли 

---

23 
туба овули (Беруний т. овул, ороним): кепак+ли > туба > овули+-и; 
Бунёдкор овули (Тўрткўл т. Ёнбошқалъа ОФКдаги овул), Хирли овули 
(Беруний т. овул, этнотопоним); Янгиобод қишлоғи (Тўрткўл т. жамоа 
хўжалиги), Чоллар овули (Беруний т. овул, соцтопоним) ва бошқалар. 
Хуллас, топоасос, бирламчи топоформант, топоиндикатор ва 
иккиламчи топоформант кўринишида ономастик қолипланиш тизими 
ўрганилган ҳудуд ойконимиясида учрайди. Булар ономастик-морфологик 
хусусиятларнинг ойконимларда индивидуал қўлланишини асослаб турибди.