Ўзбекистон республикаси олий ва ўрта махсус таълим вазирлиги алишер навоий номидаги тошкент давлат ўзбек

ихтисослаштирилган жамоа хўжалиги  (Элликқалъа т. ж/х); 
9) қизил ва оёқ сўзларининг бирикишидан ҳосил бўлган қуш номининг 
зооойконимга ўтишидан шаклланган зооойконимлар: Қизилоёқ – топоним 
қизил оёқли қушга нисбатан қўлланган (Амударё т. этноой.); 
10) қарға ҳамда кўк сўзларининг бирикишидан ҳосил бўлган 
зооойконим ва некроним: Кўк қарға (Амударё т. некроним, о.).
 
НЕООЙКОНИМЛАР 
 
Мамлакатимиз тарихида бир неча тарихий даврлар ўтганлигини 
юқорироқда махсус тўхталгандик. Неоойконимлар мана шу тарихий даврлар 
маҳсули ҳисобланади. Улар биз яшаб турган тарихий даврда янгидан ташкил 
топган топообъектларга қўйилган номлар. Шу билан бирга мавжуд 
топонимлар тизимидаги баъзи бир топонимларнинг тарихий ва социал 
тараққиётга мос келмай қолиши туфайли мазкур топообъектлар қайта 
номланишидан пайдо бўлган топонимлар, хусусан, ойконимлар ўз номлари 
билан неотопоним ёҳуд неоойконимлар дейиш ўринли. Ўрганилаётган ҳудуд 
неоойконимлари қуйидаги маъновий гуруҳларга бўлинади: 
1) мустақиллик сўзи билан ҳосил бўлган неоойконимлар: 
Мустақиллик (Элликқалъа т. Бўстон ш. кўча), Мустақиллик (Тўрткўл т. 
Қумбосган ОФК кўча), Мустақиллик маҳалласи (Тўрткўл т. ж/х); 
2) янги ва обод сўзларидан юзага келган неоойконимлар: Янгиобод 
қишлоғи (Тўрткўл т. ж/х), Янгиобод (Элликқалъа т. Ақчакўл ОФК о.); 

---

66 
3) зарбдор сўзидан шаклланган неоойконим: Зарбдор (Тўрткўл т. 
Чибуқли ОФК о.); 
4) истиқлол сўзидан топонимлашув туфайли топоним сифатида юзага 
келган неоойконимлар: Истиқлол (Тўрткўл т. Охунбобоев ОФК о.), 
Истиқлол (Тўрткўл т. Қумбосган ОФК кўча. Олдинроқда аҳоли пунктидаги 
кўча ойконимик характерда бўлиши асосланилганди); 
5) нурли ва йўл сўзларидан топонимлашув натижасида ҳосил бўлган 
неоойконимлар: Нурли (Беруний т. о., соцтопоним), Нурли йўл (Тўрткўл 
т. Уллубоғ ОФК о.); 
6) янги ва овул сўзларининг бирикишидан шаклланган неоойконим: