Ўзбекистон республикаси олий ва ўрта махсус таълим вазирлиги алишер навоий номидаги самарқанд давлат

Мустақил ўрганиш учун саволлар: 
1. Мактабда тўғри чизиқларнинг фазодаги ўзаро жойлашиши қандай 
хоссалари ўрганилади? 
2. Тўғри чизиқ ва текисликларнинг фазода ўзаро жойлашиши қандай 
хоссаларга эга? 
3. Фазода текислииклар ўзаро қандай жойлашиши мумкин ва улар-
нинг қандай хосслари мавжуд? 
4. Кўпёқларнинг қандай турлари ўрганилади? 
5. Призманинг қандай хоссалари мавжуд ва улар қандай ўрганилади? 
6. Пирамида ва унинг хоссалари ҳақида нималарни биласиз? 
7. Кўпёқлар ён сирти ва ҳажмлари қандай формулалар билан 
топилади? 
8. Мунтазам кўпёқлар қандай тартибда ўрганилади? 
9. Айланиш жисмларига қандай таърифлар берилади? 
10. Цилиндр ва конуснинг қандай элементлари мавжуд ва уларнинг 
тасвирлаш қандай усулда амалга оширилади? 
11. Шар ва сфера қандай тартибда ўрганилади? 
12. Айланиш жисмларининг сирти ва ҳажмини топиш масалалари қандай 
ўрганилади? 
 
Табиат қонунларини ўрганишда инсониятга йўл очувчи фанлар орасида 
энг қудратлиси, энг буюги – математика. 
С.В.Ковалевская 
Математика барча билим соҳаларига кириб боради. 
К.Э.Циолковский
ЎН ТЎРТИНЧИ МАЪРУЗА 
Мавзу: Мактабда информатика ўқитишнинг мазмуни ва вазифалари
1.“Информатика ва ҳисоблаш техникаси асослари” фанини 
ўқитишнинг мақсадлари. 
2.“Информатика ва ҳисоблаш техникаси асослари” фани ўқув дастури 
ва унинг мазмуни. 
3.Мактабда информатика ўқитишнинг асосий йўналишлари. 

---

Таянч иборалар: информатика, ахборот, компьютер, ахборот 
технологиялари, алгоритмлар, операторлар, операцион системалар, 
компьютер графикаси, дастурлаш асослари, тили, замонавий ахборот 
технологиялари. 
1. Инсон бутун ҳаёти ахборотни қабул қилиш, сақлаш ва қайта ишлаш 
билан боғланган. Шунинг учун ахборотлар билан ишлаганда уларни 
тўплаш, узатиш, сақлаш, бир кўринишдан иккинчи кўринишга ўтказиш 
каби жараёнлар амалга оширилиши мумкин. 
Ахборот (информация) сўзи лотинча сўздан олинган бўлиб, тушунтириш, 
тавсифлаш деган маънони англатади. Учта муҳим сифати бор: тўлиқлик, 
ахборот қимматли бўлиши, ишончлилиги. Ахборотларнинг кўплиги ва 
мураккаблиги туфайли компьютерлардан фойдаланиш зарурати туғилади. 
Компьютернинг муҳим хусусияти шундаки улар катта миқдордаги 
ахборотларни қисқа вақтда ва тез қайта ишлай олади ва ўзларида сақлай 
олади. 
Фан ва техниканинг ривожланиши ахборотларни тўплаш, қайта ишлаш ва 
узатиш каби жараёнларни амалга оширишда асосий ўринни компьютер 
техникаси ва бошқа турдаги воситаларга юкламоқда. 
20-асрнинг 50 -йилларида янги фан информатикага асос солинди. 
Информатика инсон фаолияти барча жабҳаларидаги ахборотларни излаш, 
туплаш, сақлаш, қайта ишлаш ва фойдаланиш масалалари билан 
шуғулланувчи фандир. Информатика ўрганадиган учта асосий тушунча 
бор: булар ахборот, алгоритм ва ЭХМ лардир. 
Мактабда ўқувчиларга ана шу информатика фанидан ҳамда ҳисоблаш 
техникаси ҳақидаги билимлар ва маълумотлар бериш XX асрнинг 80-
йиллари охирида ўрганиш йўлга қўйилди.