Ўзбекистон республикаси олий ва ўрта махсус таълим вазирлиги абу райхон беруний номидаги

Алкадиенларнинг кимёвий хоссалари

Буғ фазадаги крекинг ва пиролиз маҳсулотларида 5÷10% (масс.) гача алкадиенлар мавжуд. Ушбу конъюгирланган (ўзаро таъсирлашган) боғли алкадиенлар асосан қуйидагилардир:

1,3–Бутадиен, 1,3–пентадиен (пиперилен), циклопентадиен. Ўзаро таъсирлашган боғли бирикмаларнинг энг асосий хусусиятлари алоҳида қўш боғли бирикмаларга нисбатан уларни фаол реакцияга киришувчанлик хусусиятидир. Ўзаро таъсирлашган икки қўш боғли моддалар айрим ҳолларда яхлит бир тўйинмаган тизим каби ўзини тутади. Масалан, ўзаро таъсирлашган боғли бирикмаларга бирикиш реакциялари чеккалардаги 1,4–углеродларга кетиб, 2,3 ҳолатдаги углеродларда эса янги қўшбоғ вужудга келади:

Фақат оз миқдордаги бутадиенгина алкенларга ўхшаб реакцияга киришади.

Реакция икки босқичда бориб, оралиқ маҳсулот аллил иони ҳосил бўлиши билан кетади.

Ўзаро таъсирлашган боғли алкадиенлар ўзига хос реакцияси диен синтезидир (Дильс–Альдер реакцияси).
Алканларни термик қайта ишлашда аренларни ҳосил бўлиши, ушбу реакция асосидадир, деб ҳисоблайдилар:

Нефть таркибидаги алкадиенларни миқдорини аниқлашда диенларни малеин ангидриди билан конденсация реакцияси ишлатилади.
Ўзаро таъсирлашган боғли диен углеводородларнинг жуда зарур хусусиятларидан бири, уларни полимеризация реакцияларига ўта осон киришишидир. Айрим диенларни полимерланишида жуда катта занжирлар ҳосил бўлади.
n CH₂ = CH – CH = CH₂  [- CH₂ – CH = CH – CH₂ -]_n
Ушбу турдаги реакциялар синтетик каучук олиш асосида ётади. Энг кўп саноат аҳамиятига эга бўлган икки алкадиен: 1,3–бутадиен ва унинг гомологи 2–метил-1,3–бутадиенлардир.
8 БОБ. НЕФТНИНГ ГЕТЕРОАТОМЛИ БИРИКМАЛАРИ ВА МИНЕРАЛ КОМПОНЕНТЛАРИ
8.1. Нефтнинг гетероатомли бирикмалари

Ҳамма нефтлар таркибида углеводородлардан ташқари, маълум миқдорда гетероатомли бирикмалар мавжуд. Бу бирикмалар ўз молекулаларида олтингугурт, кислород, азотларни сақлаши мумкин. Кўрсатиб ўтилган элементларни миқдори нефтнинг ёшига ва келиб чиқишига боғлиқдир.

Олтингугурт бирикмаларининг нефтдаги миқдори 0,02 дан 7% (масс.) гача бўлиши мумкин.
Нефть таркибидаги азот сақловчи бирикмаларнинг миқдори кам бўлиб, 1,7% (масс.) гача етиши мумкин. Масалан, Ўзбекистоннинг Учқизил нефтида азотнинг миқдори 0,82% (масс.) ни ташкил қилади.
Айрим нефтларнинг элемент таркиби ва бошқа маълумотлар 8.1-жадвалда келтирилган.