Ўзбекистон республикаси олий ва ўрта махсус таълим вазирлиги а. У. Бурханов, Х. Х. Худойқулов

Инвестиция сиёсати инвестиция фаолиятининг ўрта ва узоқ муддатли мақсадлари ҳамда уларга эришиш йўлларини белгилаб беради. Инвестиция сиёсати – инвестиция стратегиясини амалга ошириш бўйича чора-тадбирлар тизими, инвестицион тактика.


Инвестиция сиёсати қўйилган мақсадларга эришиш ҳамда иқтисодий сиёсатнинг қисқа муддатли ва узоқ истиқбол учун бел-гиланган вазифаларини бажаришга хизмат қилади. Инвестиция сиёсатининг таъсирчан воситалари нисбатан чекланганлиги са-

363

МОЛИЯ БОЗОРИ ВА ИНВЕСТИЦИЯЛАР

бабли муайян вазиятларда қайси воситалар самарали, қайсилари самарасиз эканлигини билиш мураккаб ҳисобланади.1

Инвестиция сиёсатини ишлаб чиқиш иқтисодий фаолиятнинг барча даражаларида амалга оширилиши зарур. Микродаражада

– инвестиция сиёсати инновацион фаолиятни амалга ошираёт-ган корхоналар, банклар, фондлар ва уй хўжаликлари учун иш-лаб чиқилиши лозим. Мезодаражада (ҳудудлар ва тармоқлар)

– иқтисодиёт тармоқлари ва ҳудудларни ривожлантириш, истиқбол-ли лойиҳаларни селектив қўллаб-қувватлаш учун йўналтирилган мақсадли инвестиция дастурларини ишлаб чиқиш орқали амалга оширилади. Макродаражада – давлат инвестиция стратегиясини ишлаб чиқиш ва амалга ошириш чекланган бюджет маблағларидан самарали фойдаланиш, истиқболли тармоқлар ва ҳудудларни қўллаб-қувватлаш, барқарор иқтисодий ўсишни таъминлаш чора-тадбирларини амалга ошириш имконини беради.

Давлатнинг ташқи инвестиция сиёсати – бу ташқи инвес-

тиция оқимларини давлат томонидан тартибга солиш чора-тадбир-лари тизимидир. Ушбу сиёсатнинг мақсади инвестиция жараён-ларига максимал даражада қулайлик яратувчи шарт-шароитлар тизими шаклидаги қулай инвестиция муҳитини шакллантириш-дан иборат бўлиб, уни амалга ошириш иқтисодий салоҳият, ижти-моий, ташкилий-ҳуқуқий ва молиявий омилларга боғлиқдир.