Ўзбекистон республикаси олий

1.Тоз-сон бўғими учун машқлар қандай холатда бажарилади.?
Орқада ётган дастлабки ҳолатда бажарилади, яъни оёқларни буккан ҳолатда қоринга олиб келиш ва дастлабки ҳолатга келтириш, бир вақтнинг ўзида тўғри оёқларни кўтариш, маълум градусга кўтарган ҳолда айланма ҳаракат қилиш, оёқларни юқорига кўтарган ҳолатда “юриш” ёки велосипед “ҳайдаш” имитацияси, “шағам” машқи. Қоринда ётган ҳолатда брас усулида “сузиш” машқи, ярим ўтирган ҳолатда оёқларни ён томонга кенгайтириш, танани оёқ томонга букиш, ўтирган ҳолатда оёқлар ёрдамида “қайчи” машқи ва оёқлар билан ротацион машқлар бажарилади.
2. Қарама-қарши таъсирга эга бўлган физио муолажалар қандай? масалан, иссиқ муолажадан сўнг совуқ муолажа олиш мумкин эмас. , тери касалликларида контраст ванна, яъни иссиқ сув, совуқ сув билан галма-галдан ишлатилади. Умумий муолажалар, масалан балчиқли ёки парафинли аппликациядан сўнг индуктотермия, муздек душ ёки совуқ сувда чўмилиш мумкин эмас, бу шамоллаш жараёнини чақириб, касалликни кучайтиради. Марказий асаб системаси функцияларини қўзғатувчи ва тормозловчи, асосий нерв жараёнларига таъсир кўрсатмайдиган муолажалар, масалан: бўйин орқа қисмига ёқа шаклида бромли электрофорез билан Шарко души, циркуляр душ, совуқ сувда чўмилиш тўғри келмайди.
3. Умумий тонусни кўтарувчи омилларни айтинг
Ҳаво ва қуёш ванналари, денгиз ва дарё сувларида чўмилиш, нам артиниш, чўмилиш, совуқ сувда чиниқиш, карбонат ангидрид ва азотли ванналар, циркуляр душ, Шарко души, Шотланд души, сув ости души, умумий УБН, рефлекс зоналарига иссиқ пахтали кўрпача ўраш билан таъсир этиш.
4. Жисмоний реабилитация воситалари нечига бўлинади?
1.Фаол восита – ДЖТнинг ҳамма шакллари тааллуқлидир : турли жисмоний машқлар, спорт элементлари ва спорт тайёргарлиги, юриш, югуриш ва бошқа циклик машқлар ва спорт турлари, тренажерларда ишлаш, хореотерапия, меҳнат билан даволаш ва ҳ.з.
2.Пассив восита – массаж, мануал терапия, физиотерапия, табиатнинг табиий ва сунъий омиллари.
3.Руҳий бошқарув воситаси – аутоген шуғулланиш, мушак релаксацияси ва х.з.