Ўзбекистон республикаси навоий кон-металлургия комбинати давлат корхонаси

Маркетинг менежменти – бозордаги талаб-таклифни ўрганиш, маҳсулотни харидорга етказиш, қадоқлаш, реклама каби жараёнларни бошқариш.
Масъулияти чекланган жамият – капиталлар бирлашишининг шакли бўлиб, жамият қатнашчилари фақат қўйган маблағи билан жамият мажбуриятларида жавобгарлик олиб борадилар.
Материаллардан фойдаланиш коеффициенти – хом ашё ва материалларнинг оқилона тарзда сарфланишини тавсифловчи кўрсаткич бўлиб, у тайёр маҳсулот таркибига кирувчи материалларнинг ишлов берилган материалларнинг умумий ҳажмига нисбатини ифодалайди.
Матрицали тузилма – бошқарув тарзи “матрица” қабилида боғланган тузилма. У анча муракаб бўлиб, маҳсулоти нисбатан қисқа “умр” кўрадиган ва тез–тез ўзгариб турадиган корхоналар томонидан қўлланади.
Маҳсулот (хизмат) аттестацияси – маҳсулот (иш, хизмат) сифатининг техник-иқтисодий кўрсаткичларини объектив баҳолашни тизимли равишда амалга оширишни кўзда тутувчи, ташкилий-техник ва иқтисодий чора-тадбирлар мажмуаси.
Маҳсулот ишлаб чиқариш ва сотиш харажатлари – маҳсулот ишлаб чиқаришда фойдаланилувчи табиий ресурслар, хом ашё ва материаллар, ёқилғи ва энергия, асосий фондлар ва меҳнат ресурслари, шунингдек, маҳсулот ишлаб чиқариш ва сотишнинг бошқа харажатларининг қиймат ўлчови.
Маҳсулот рентабеллиги – маҳсулот сотишдан олинган фойданинг маҳсулот таннархига нисбати сифатида (фоизларда) аниқланувчи ишлаб чиқариш самарадорлиги кўрсаткичи.
Маҳсулот сертификати - маҳсулот сифатини баҳолаш ва назорат қилишнинг халқаро меъёрларини қабул қилиш ва амалга ошириш жараёни; маҳсулот ишлаб чиқарувчиларга қарам бўлмаган, маҳсулотнинг халқаро стандарт меъёрларига мос келишини назорат қилиш воситаси.
Маҳсулот сифати – масулотнинг инсон ва жамиятнинг маълум бир эҳтиёжларини қондириш қобилиятларини белгиловчи фойдали (истеъмол) хусусиятлари мажмуи.
Маҳсулот сифатини бошқариш –маҳсулотни яратиш ва ундан фойдаланиш ёки уни истеъмол қилишда зарур сифат даражасини белгилаш, таъминлаш ва қўллаб-қувватлаш мақсадида амалга оширилувчи хатти-ҳаракатлар.