Ўзбекистон республикаси навоий кон-металлургия комбинати давлат корхонаси

Инвестор - бирон-бир фаолиятга, корхонага фойда олиш мақсадида узоқ муддатли сармоя киритишни амалага оширувчи хусусий тадбиркор, ташкилот ёки давлат.
Инжиниринг - тижорат асосида (шартнома шаклида) турли хил муҳандислик-маслаҳат хизматлари кўрсатилиши.
Инновацион менежмент - янги маҳсулот, янги усул, янги бозор, янги техника, технологияни ишлаб чиқаришга кенг жорий этишни бошқариш.
Инновация – инглизча “иннватион” ўзбек тилида “янгиликларни қўллаш” маносини англатади ва жамият ривожланиши билан ўзгариб борувчи инсон эҳтиёжларини қондиришга оид янгиликлар, уларни яратиш, тарқатиш ва фойдаланиш жараёнини мажмуаси ҳисобланади. У ишлаб чиқаришда янги маҳсулот, янги усул, янги технология, янги бозорни жорий этишни назарда тутади.
Инфратузилма - саноат (ёки бирон-бир бошқа) ишлаб чиқариши ҳамда аҳолига хизмат кўрсатувчи хўжалик тармоқлари мажмуаси. У транспорт, алоқа, савдо, моддий-техник таъминот, фан, таълим, соғлиқни сақлаш тузилмаларини ўз ичига олади.
Ишбилармон – ўз ғоясини, маблағини, нуфузини ҳаётга тадбиқ этиш учун таваккал қилувчи ва даромад олиш учун фаолият юритувчи мулкдор.
Ишлаб чиқариш қуввати – асосий ишлаб чиқариш ва айланма фондлар, шунингдек, молиявий ресурслардан иложи борича тўлиқ ва оқилона фойдаланган ҳолда ишлаб чиқариш мумкин бўлган маҳсулотнинг максимал (энг юқори) ҳажми.
Ишлаб чиқариш менежменти – ишлаб чиқаришнинг операцион тизимларини яратиш, уларни режалаштириш ва ишлатиш жараёнларини бошқариш.
Ишлаб чиқариш рентабеллиги –фойданинг асосий ишлаб чиқариш фондлари ва меъёрлаштирилувчи айланма маблағларнинг ўртача йиллик қийматига нисбати сифатида аниқланувчи ишлаб чиқариш самарадорлиги кўрсаткичи.
Ишлаб чиқариш тузилмаси– корхонанинг маҳсулот ишлаб чиқариш жараёнида бевосита ёки билвосита иштирок этадиган ишлаб чиқариш бўлинмалари - сехлар, участкалар, хизмат кўрсатиш хўжалиги алоқаларининг йиғиндиси.
Ишлаб чиқаришни йириклаштириш – маҳсулотни йирик корхоналарда чиқаришни ташкил этиш тарзи.