Ўзбекистон республикаси навоий кон-металлургия комбинати давлат корхонаси

Диверсификация – корхона фаолиятининг янги тармоқлар ва маҳсулот (иш, хизмат) тури ҳисобига кенгайиши.
Дивиденд - аксиядорлик жамияти фойдасининг бир қисми, ҳар йили солиқларни тўлаш, ишлаб чиқаришни кенгайтириш, заҳираларни тўлдириш, облигациялар бўйича фоизлар тўлаш ва директорларни мукофотлашдан сўнг аксиядорлар ўртасида тақсимланадиган қисми.
Доимий харажатлар – ишлаб чиқариш ҳажмига боғлиқ бўлмаган харажатлар (амортизация, ижара тўлови ва ҳ.к).
Жисмоний эскириш – меҳнат воситаларининг фойдаланиш ва табиий таъсир остида моддий жиҳатдан емирилиши. Уларнинг маънавий эскириши уларнинг тўлиқ жисмоний эскиришдан олдинданроқ, ишлаб чиқариш кўрсаткичлари юқорироқ ва тежамкор бўлган янги машина ва қурилмалар пайдо бўлиши туфайли юз беради.
Заҳираларни бошқариш - товар ишлаб чиқарадиган операцион тизимларда ва хизмат кўрсатиш операцияларида маълум миқдорда заҳиралар мавжудлигини бошқариш жараёни. Заҳираларнинг 3 тури бўлади: эҳтиёт қисм ва материаллар заҳираси; тугалланмаган маҳсулотлар заҳираси; тайёр маҳсулот заҳираси.
Ижара - мулкни маълум бир ҳақ тўлаш эвазига, вақтинчалик фойдаланишга бериш тўғрисидаги шартнома асосида ёллаш.
Ижтимоий-руҳий усул – асосий мақсади жамоаларда соғлом ижтимоий-руҳий муҳитни яратишга қаратилган бошқарув усули.
Иқтисодий кибернетика – иқтисодиётда бошқарув жараёнларни ўрганиш усулларининг мажмуаси, жумладан иқтисодий-математик услублар мажмуаси.
Иқтисодий усул – бошқарувда иқтисодий манфаатлардан (масалан, фойда, солиқ, фоиз кабилардан) фойдаланиш усули.
Илмий-техник салоҳият– мамлакатдаги фан-техника ва муҳандислик ишларининг ривожланиш даражаси, жамиятнинг фан-техника муаммоларини ҳал қилиш учун мавжуд ресурс ва имкониятларининг умумий ҳолати.
Инвестицион сиёсат – капитал қўйилмаларнинг энг устивор йўналишларини танлаш, сарфланган ҳар бир сўмга маҳсулот (иш, хизмат) ўсиши ва миллий даромаднинг энг юқори кўрсаткичларига эришиш сиёсати.
Инвестиция – даромад олиш мақсадида сармояни ишлаб чиқаришга узоқ муддатга куйиш.
Инвестициялаш - мамлакат ичкариси ва ташқарисида янги корхона яратиш ва мавжуд корхоналарни замонавийлаштириш, энг янги техника ва технологияларни ўзлаштириш, ишлаб чиқариш даражасини ошириш ва фойда олиш мақсадида узоқ муддатли маблағлар киритилиши.