Ўзбекистон республикаси навоий кон-металлургия комбинати давлат корхонаси

Молиявий ҳисобот – турли хил ҳисоботлар бирлашмаси бўлиб, улар корхонанинг молиявий ўрни ва фаолияти, ҳамда унинг молиявий тузилишида ўзгаришларни қулай ва тушунарли ҳолда, уларга маълум иш масаласини ҳал қилиш учун тузилган ҳужжатлар.
Н азорат сфераси – ташкилий тизимнинг муҳим миқёсий томонлари бири: агарда бир раҳбарга жуда кўп миқдордаги ходимлар бўйсинса, натижада бир текис бошқарув тизимини берувчи кенг назорат сфераси вужудга келади; агарда назорат сфераси тор бўлса, айниқса ҳар бир раҳбарга кам ходимлар бўйсинса, бу ҳолда кўп даражали тизим пайдо бўлади; корхонада кўп даражали тизим асосида қўйилган ўлчовга қараганда текис тизимли катта корхоналар кам даражадаги бошқарувга эга бўлишади.
Низом (устав) - корхонани ташкил қилишнинг қонунийлигини тасдиқловчи, корхона хусусияти, фаолият турлари, тартиб-қоидалари, аъзолари ўртасидаги муносабатлар ва ҳоказоларни ўз ичига олувчи расмий ҳужжат.
Операцион дастак - ялпи маржанинг фойдага бўлган нисбати орқали ишлатилган маблағни самарали ишлатилиш даражасини англатади.
Операцион тизим - товар ишлаб чиқариш ва хизмат кўрсатиш фаолиятининг тўлиқ тизими. У 3 қуйи тизимдан иборат: қайта ишлаш; таъминлаш; режалаштириш ва назорат.
Парето-мақбуллик– ўрганилаётган тизим элементларининг қабул қилинган мезонга кўра энг афзаллик даражаси.
“Перт” усули – режага баҳо бериш ва қайта кўриб чиқиш усули, унга кўра, операциялар давомийлигида ноаниқликка йўл қўяди, шу ноаниқликнинг ишлар давомийлигига таъсири таҳлил қилинади.
Рақобат – бозор механизмининг корхона ва фирмаларнинг маҳсулот ва хизматларни сотиш, сармояни фойдалироқ жойлаштиришда хўжалик нисбатларини рақиблик асосида шакллантириш билан боғлиқ элементи; икки ва ундан ортиқ тадбиркорлик субъектлари ўртасидаги “ким ўзарлик” пойгаси, кураши.
Рақобатбардошлик – ўз фаолиятини бозор муносабатлари шароитида амалга ошириш ва бунда ишлаб чиқаришни илмий-техник жиҳатдан такомиллаштириш, ходимларни рағбатлантириш ва маҳсулот сифатининг юқори бўлишини таъминлашга етарли бўлган фойда олиш имконияти.