Ўзбекистон республикаси мудофаа вазирлиги

1.6.Ҳайдовчининг тунги кўриш мосламасининг вазифаси, тузилиши ва ишлаш тамойили. Мослама иш фаолиятини текшириш. Мосламани жанговар ҳолатида ўрнатиш.

ТВНЕ-4Б кузатув асбоби

ТВНЕ-4Б кузатув асбоби тунги вақтда табиий ёритгичлар (ой, юлдузлар) ёрдамида ёритилганлик паст бўлганда эса ФГ-125 инфрақизил ёруғлик фильтрли фара ёрдамида ёритиш орқали атрофни кузатишга мўлжалланган. Асбобнинг таркибига ТВНЕ-4Б ўзи, солинадиган қутиси, паспорти, асбобни ишлатиш бўйича йўриқнома ва эҳтиёт қисмлар киради.
Ишсиз ҳолатда асбоб қутисига жойланган ҳолда (60-рас.) машинанинг ичида иккинчи чап ғилдирак ўйиғида жойлашган бўлади.
Асбобнинг тузилиши ва ишлаши, фойдаланиш қоидалари, ТВНЕ-4Б асбобини ишлатиш бўйича фойдаланиш йўриқномада кўрсатилган.



60-Расм. ТВНЕ-4Б кузатув асбобини жойлашуви.
1- диафрагма; 2- асбобнинг эхтиёт қисмлари; 3- ТВНЕ-4Б кузатув асбобини.

ТВНЕ-4Б кузатув асбобини ўрнатиш ва иш ҳолатига келтириш

ТВНЕ-4Б кузатув асбобини иш ҳолатида механик хайдовчининг ТНПО-115 кузатув асбоби жойига ўрнатилади.
ТНПО-115 кузатув асбобини жойидан ечиб олгандан кейин ТВНЕ-4Б қутисидан асбоб қуйидаги тартибда ўрнатилади.
- ТВНЕ-4Б қутисидан олинади.
- Пардача ва диафрагма ёпиқ ҳолатида эканлигига ишонч хосил қилинади, (пардачанинг байроқчаси чапга ҳолатда диафрагманинг байроқчаси пастга ҳолатида бўлиши керак.).



61-Расм.ТВНЕ-4Б кузатув асбобини ўрнатилиши:
1-ҳимояловчи ойна; 2-резинали прокладка; 3-рамка; 4-химояловчи колпак; 5-ТВНЕ-4Б кузатув асбоби; 6-резинали прокладка; 7-қистиргич (зажим)

Асбоб разёмидаги заглушка ечиб олиниб асбобнинг қутисига солиб қўйилади.

- қисгич 7 нинг дастаклари пастга туширилади (61-рас.)
- асбоб жойига ўрнатилиб қисгич дастаклари охиригача тепага кўтарилиб қотирилади.
- Механик хайдовчининг асбоби шахтасининг ортида жойлашган паст волтли кабел қисгичига асбоб разём орқали уланади.
Асбобни ечиб олиш тескари кетма - кетликда бажарилади.
Инфрақизил ёруғлик фильтрли ФГ-125 фараси
ФГ-125 инфрақизил фараси тунги пайтда ТВНЕ-4Б тунги кўриш асбоби ёрдамида инфрақизил нурлар билан йўлни ёритиш учун мўлжалланган. ФГ-125 ҳам худди ФГ-127 каби тузилган бўлиб фақат оптик элементида ёруғлик тўсувчи насадка ва ёруғлик тарқатгич ўрнига инфрақизил ёруғлик фильтри қўйилган.
ТВНЕ-4Б кузатув асбоби фг-125 фараси оптик ўқларини тўғрилаш
Кундузги вақтда фара ва асбобнинг оптик ўқлари қуйидаги тартибда тўғриланади.
- Машинани экрандан 7,5 – 7,6 м масофада ўрнатилади (62-расм);