Ўзбекистон Республикаси молия вазирлигининг Назорат-тафтиш бош бошқармаси ва унинг ҳудудий бошқармалари ходимларига (лавозимли)

3. Пахта тозалаш саноат корхоналарида ҳисоб ва ҳисоботнинг тўғрилигини назорат қилиш бошқармаси:

• 
  Пахта тозалаш саноати корхоналарини тафтиш қилиш бўлими;
  
• 
  Ахборот тўплаш ва таҳлил қилиш сектори.
  

4. Ташкилий-услубий ишлар бўлими.
5. Мурувват ёрдамидан ва техникавий кўмаклашиш маблағларидан мақсадли фойдаланилишини назорат қилиш шўъбаси.
6. Бюджетдан ташқари Пенсия жамғармаси маблағларидан мақсадли фойдаланилишини назорат қилиш бошқармаси:

• 
  Пенсиялар, нафақалар ва компенсациялар тайинланишини ва тўланишини тафтиш қилиш бўлими;
  
• 
  ТМЭК хизмати фаолиятини назорат қилиш бўлими
  
• 
  Ахборот тўплаш ва таҳлил қилиш сектори.
  

38-савол. Ўзбекистон Республикасининг Маъмурий жавобгарлик тўғрисидаги Кодекси бўйича қандай ҳолатлар бюджет интизомини бузиш ҳисобланади ?


Жавоб: Ўзбекистон Республикасининг маъмурий жавобгарлик тўғрисидаги Кодексининг 175-2 моддасига асосан:

1. 
   Бюджет интизомини бузиш, яъни бюджет маблағларини бюджетда ёки бюджетдан молияланадиган муассасалар ва ташкилотларнинг сметаларида назарда тутилмаган харажатларга йўллаш, шундай муассасалар ва ташкилотларда харажатлар қисми бўйича бюджетдан ажратилган маблағларнинг лимитлардан ортиб кетиши, штат-смета интизомини бузиш;
   
2. 
   Бюджетдан молияланадиган муассасалар ва ташкилотларга иш ҳақи, нафақалар, стипендиялар ва уларга тенглаштирилган бошқа харажатлар тўлови учун пул маблағлари бериш банкларнинг раҳбарлари ва бошқа мансабдор шахслари томонидан асоссиз равишда кечиктирилганлиги мансабдор шахсларга жарима солишга сабаб бўлади.
   

39-савол. Бюджет интизомини бузиш ҳолатлари аниқланганда кимлар ва қандай миқдорда маъмурий жавобгарликка тортилишини тушунтириб беринг ?


Жавоб: 175-2-модда. Бюджет интизомини бузганлик учун: Бюджет интизомини бузиш, яъни бюджет маблағларини бюджетда ёки бюджетдан молияланадиган муассасалар ва ташкилотларнинг сметаларида назарда тутилмаган харажатларга йўллаш, шундай муассасалар ва ташкилотларда харажатлар қисми бўйича бюджетдан ажратилган маблағларнинг лимитлардан ортиб кетиши, штат-смета интизомини бузиш - мансабдор шахсларга энг кам иш ҳақининг беш бараваридан ўн бараваригача миқдорда жарима солишга сабаб бўлади.
Бюджетдан молиялаштириладиган муассасалар ва ташкилотларга иш ҳақи, нафақалар, стипендиялар ва уларга тенглаштирилган бошқа харажатлар тўлови учун пул маблағлари бериш банкларнинг раҳбарлари ва бошқа мансабдор шахслари томонидан асоссиз равишда кечиктирилганлиги учун - мансабдор шахсларга энг кам иш ҳақининг ўн бараваридан ўн беш бараваригача миқдорда жарима солишга сабаб бўлади.


40-савол. Тафтиш ёки текшириш далолатномаси юзасидан кўриладиган чора-тадбирлар тўғрисида тушунча беринг ?


Жавоб: Тафтиш ва текширишлар натижасида молиявий интизомни бузилиши ва бошқа хато-камчиликлар аниқланган тақдирда тафтиш ва текшириш даврида ушбу хато-камчиликларни бартараф этиш, пул маблағлари сақланишини таъминлаш, молиявий интизомни бузиш ва суистеъмол ҳолатларига чек қўйиш, етказилган моддий зарарни қоплашни таъминлаш бўйича чора-тадбирларни кўриш мақсадида тафтиш ўтказилаётган ташкилот раҳбари хабардор қилиниши лозим.
Тафтиш ва текшириш материаллари асосида назоратчи-тафтишчи тафтиш ўтказилаётган ташкилот ходимлари билан бирга (зарур ҳолларда уларнинг юқори ташкилоти ходимлари иштирокида) йўл қўйилган хато-камчиликларни бартараф этиш ва ташкилот молиявий фаолиятини яхшилаш юзасидан амалга оширилиши лозим бўлган чора-тадбирлар, таклифлар ишлаб чиқилади.
Тафтиш ва текшириш даврида кўрилган чора-тадбирлар натижасида молиявий ва бюджет интизомини бузиш ва бошқа камчиликларни тўлиқ бартараф этиш таъминланмаган ҳолатларда, назоратчи-тафтишчи тафтиш ўтказилган ташкилот раҳбарига жўнатиладиган молиявий интизомни бузилиши ва бошқа хато-камчиликларни бартараф этиш, молиявий интизомни бузиш ва суистеъмол ҳолатларига чек қўйиш, етказилган моддий зарарни қоплашни таъминлаш юзасидан амалга оширилиши лозим бўлган чора-тадбирлар тўғрисида таклифлар тайёрлаб, НТБ раҳбарига тақдим қилади.