Ўзбекистон Республикаси Молия вазирлиги

биринчидан, банкларнинг фоиз ставкаларини пасайиб бориши билан ялпи миллий маҳсулот ҳажми ортиб боради. Бунинг сабаби шуки, банкларнинг фоиз ставкаларини пасайтиришдан ортган маблағ ишлаб чиқаришни кенгайтириш имконини беради, яъни иқтисодиётга кўпроқ инвестиция киритилиши натижасида ялпи миллий маҳсулот(ЯММ) ишлаб чиқариш ҳам кўпайиб боради.
Иккинчидан, инвестициядан келадиган фойда инфляция даражасидан юқори бўлиши талаб қилинади. Бу ҳолатдан чиқишнинг йўли–ишлаб чиқарилаётган маҳсулот таннархи ишлаб чиқариш харажатларини ҳақиқий қийматига яқинроқ даражада акс эттиришдир, бунинг натижасида эса бозор баҳоларининг шаклланишида, фойдадан бюджетга тўланадиган солиқлар суммасининг тўғри ҳисобланишида аҳамияти катта бўлади. Бу эса албатта инвестициядан фойдаланаётган корхонанинг инвестиция самарадорлигини оширишни таъминлайди.
Шунингдек, фойда миқдорини камайтирмаслик учун фойда нормаси пасайган чоғда олинган фойдани қайтадан пул топиш учун қўйиш керакки, бу реинвестиция дейилади⁹. Реинвестиция қилиш йўли билан қўйилган капитал суммасини ошириш орқали фойда миқдорини камайишига йўл қўйилмайди. Бунинг учун корхона ишлаб чиқараётган тайёр ёки ярим тайёр маҳсулотидан истеъмол учун яроқли бўлган маҳсулот ишлаб чиқарувчи кичик цехларни ташкил этиш мақсадга мувофиқ бўлади.
Шу ўринда айтиб ўтиш жоизки, ҳар бир тадбиркор лойиҳанинг молиявий режасини тузишда хорижий инвестор ўрнида ўзини ҳис қилиши ва шунга яраша маблағлар ҳаракати башоратини тўғри ҳисоблаб чиқиши зарур¹⁰. Бошқача қилиб айтадиган бўлсак, хорижий инвестор ҳам маҳаллий ҳамкорга ўхшаб, маълум вақтдан сўнг фойда олиш мақсадида маблағларини маълум бир соҳага жойлаштиради. Агар у инвестиция рентабеллигига эришмаса, лойиҳадан кўзланган фойдани олмаса, хорижий инвесторнинг лойиҳага бўлган қизиқиши сусаяди. Бу бошқа инвесторларнинг республикамизда кичик ва ўрта бизнес соҳасига бўлган фикри, муносабатига салбий таъсир этиши мумкин. Шу сабабли инвестицион лойиҳалаштириш жараёнларини қандай мақсадга тузилганлигига эътибор бериш талаб қилинади.