Ўзбекистон Республикаси Молия вазирлиги

2.15-расм. Мамлакатда нархни шакллантириш сиёсати ва стратегияси

Республикамизнинг иқтисодий ресурс, экологик ва бошқа салоҳиятлари чексиздир. Уларни тўлиқ очиб берилиши республиканинг инвестицион жозибадорлигини оширишга бевосита ижобий таъсир кўрсатади. Бу борада, авваломбор, ҳудудлар томонидан ҳар бир ҳудуднинг салоҳияти аниқланган маълумотлар базаларини шакллантиришга эътибор қаратиш лозим бўлади. Бу эса ўз навбатида худудларда мўътадил ва жозибадор инвестиция шароитини яратиш халқаро тажриба ва шаклланаётган бозор иқтисодиётининг йўналишларини ҳисобга олган ҳолда тўлиқ ва мустаҳкам қонунчилик базасини таъминлашдан иборат бўлади.

Хорижий инвестицияларни республика ҳудудлари бўйича жойлашувида ҳам маълум муаммолар мавжуд. Жумладан, ҳозир республикамизда фаолият кўрсатаётган ва ишлаб чиқаришга ихтисослашган хорижий инвестициялар иштирокидаги корхоналарнинг тўртдан уч қисми Тошкент шаҳри ва вилоят марказларида жойлашган. Кўпгина туманларда, ҳусусан ишсизлик даражаси юқори бўлган ҳудудларда эса бундай корхоналар умуман қурилмаган ёки жуда оз сонлидир. Ушбу келтирилган муаммоларни бартараф этиш учун инвестицияларни жалб қилишнинг қуйидаги асосий инструментларини келтириш мақсадга мувофиқдир:
- ташқи иқтисодий, шу жумладан инвестицион муносабатларни яратиш дастурини ишлаб чиқиш;
- аниқ лойиҳалар тақдимотини амалга ошириш ва уларни баҳолаш учун махсус ахборот-консалтинг гуруҳлари ва агентликларига тақдим этиш;
- ҳамкорлик тўғрисидаги бошланғич битмлар, меморандумларни тузиш ва махсус маълумотлар базасини яратиш;
- инвесторларга ва алоҳида лойиҳаларга махсус имтиёз ва преференциялар бериш ва бошқалар.
Шунингдек, Республикамизда инвестициядан фойдаланишдаги ютуқлар билан бир қаторда, инвестициялар билан боғлиқ муаммолар ҳам мавжуд жумладан, инфраструктурасини суст ривожланганлиги, Ўзбекистоннинг инвестициявий жозибадорлигини жаҳон ОАВ(оммавий ахборот восита)ларида рекламасини йўқлиги, инвестицияларни вилоятлараро тақсимотида юқори дифференциялашганлиги (Мисол учун, вилоятларни Тошкентга нисбатан ҳисоблаганда). Ушбу кўрсатиб ўтилган муаммоларни бартараф этиш Ўзбекистонни янада ривожланишида муҳим аҳамиятга эгадир.