Ўзбекистон Республикаси Марказий банки

2019
–2021 йилларда банк тизимида ликвидлиликнинг автоном омиллар 
ҳисобига шаклланиши прогнози
 
Манба: Марказий банк ҳисоб-китоблари.
Шунингдек, зарур ҳолларда вақти-вақти билан тижорат 
банкларидан узоқ муддатли депозитлар жалб қилиш бўйича ёки 
Марказий 
банкнинг 
облигацияларини 
жойлаштириш 
бўйича 
аукционлар ҳам ўтказилиши мумкин.
2019
–2021 йилларда Марказий банк томонидан пул-кредит 
сиёсати инструментларини янада такомиллаштиришда юзага 
келадиган янги макроиқтисодий шароитлар инобатга олинади.
Бунда қўйилган вазифани ҳал қилишда пул-кредит сиёсати 
инструментларининг ўзига хос устунлик ёки камчилик томонлари 
бўлиши 
мумкин. 
Аслида 
пул-кредит 
сиёсатининг 
барча 
инструментларининг якуний мақсади бир хил бўлишига қарамасдан, 
уларнинг ишлаш механизмлари ва таъсир кучи турли хил бўлади. Шу 
сабабли муайян даврда аниқ вазифани бажаришда бир ёки бир нечта 
инструментлар мажмуидан фойдаланилади. 
Пул-кредит сиёсатининг амалдаги мавжуд инструментлар 
(интервенция, қайта молиялаш ставкаси, мажбурий захиралаш, 
Марказий 
банк 
кредитлари) 
етарли 
эмаслиги, 
уларнинг 
самарадорлиги пастлиги ҳамда банк тизимидаги ликвидлиликка ўз 
вақтида таъсир кўрсатиш имкониятлари чекланганлиги уларни 
қўллаш стратегияси ва услубларини қайта кўриб чиқишни тақозо 
этмоқда. 

---

108 
Келгуси йилларда ҳам Марказий банк томонидан стерилизация 
операцияларини амалга оширишда интервенциялар стратегияси 
такомиллаштирилиб борилади. 
Пул-кредит сиёсатининг мажбурий захиралаш инструменти 
бўйича 2018 йилда амалга оширилган қатор ўзгаришлар ушбу 
инструментни 
халқаро 
стандартларга 
яқинлаштирди. 
Зарур 
ҳолларда, пул-кредит шароитларидан келиб чиқиб, мажбурий резерв 
нормативларига янги ўзгартиришлар киритиб борилиши мумкин. 
Бундан ташқари, Марказий банк томонидан тижорат банкларига 
ликвидлилик тақдим этиш учун хорижий валютани гаровга олган 
ҳолда ажратиладиган кредит ва тижорат банклари билан валютада 
своп операциялари аукцион савдоларини ўтказиш йўлга қўйилади.
Марказий банк пул-кредит сиёсатининг амалдаги мавжуд 
инструментларини ривожлантириш билан бир қаторда янги 
инструментларни жорий этишга асосий эътибор қаратади. 
Инфляцион таргетлаш режимига ўтишда фоиз каналининг 
муҳимлиги, мамлакатимизда пул-кредит сиёсатининг трансмиссион 
механизми самарали ишламаётганлиги ҳамда етарли даражада 
ривожланмаганлигини 
инобатга 
олиб, 
банк 
тизимидаги 
ликвидлиликка самарали таъсир кўрсатишда Марказий банк 
томонидан янги фоизли инструментлар жорий қилинади.