Ўзбекистон Республикаси Марказий банки

2.1.2. 
Ташқи иқтисодий фаолият ва тўлов балансининг 
ҳолати 
Жорий йилда ички шарт-шароитлар миллий иқтисодиётнинг 
барқарор ўсишини қўллаб-қувватловчи характерга эга бўлса, ташқи 
иқтисодий вазият, аксинча, нисбатан ноқулай шаклланмоқда.
Хусусан, 
2018 
йилнинг 
январь-сентябрь 
ойларида 
Ўзбекистоннинг асосий савдо ҳамкорлари ҳисобланган давлатларда 
иқтисодий ўсиш суръатларининг 2017 йилнинг мос давридаги ўсишга 
нисбатан пасайиши республикамизда ишлаб чиқарилаётган маҳсулот 
ва хизматларнинг экспорти ҳажмининг ошишини секинлаштирувчи 
омил бўлиб хизмат қилди. 
Расмий маълумотларга кўра, жорий йилнинг январь-сентябрь 
ойларида иқтисодий ўсиш суръатлари Россияда 1,8 фоиздан
1,6 фоизгача, Хитойда 6,8 фоиздан 6,5 фоизгача, Қозоғистонда
4,3 фоиздан 4,2 фоизгача, Туркияда 10,6 фоиздан 5,2 фоизгача 
ҳамда Қирғизистонда 4,3 фоиздан 1,2 фоизгача пасайган. 
Шунингдек, мазкур даврда республикамизнинг асосий савдо 
ҳамкорлари ҳисобланган давлатлар миллий валюталарининг 
сезиларли даражада қадрсизланиши ҳам ташқи иқтисодий шарт-
шароитларнинг ноқулай шаклланишига ўз таъсирини ўтказди. 
Жумладан, доллар индексининг ошиши ҳамда Россияга 
нисбатан янги санкцияларнинг киритилиши натижасида Россия рубли 
АҚШ долларига нисбатан 15 фоизга ҳамда ушбу давлат 
иқтисодиётига боғлиқлик даражаси юқори бўлган Қозоғистон тенгеси 
9,2 фоизга қадрсизланди. Шунингдек, ушбу даврда АҚШ долларига 
нисбатан Хитой юани 6,5 фоизга ва Туркия лираси қарийб 60 фоизга 
қадрсизланди (2.1.1-расм).
Юқоридаги валюталарнинг қадрсизланиши ва республикамизда 
инфляция даражасининг мазкур мамлакатлардаги кўрсаткичларга 
нисбатан сезиларли даражада юқори бўлиши натижасида сўмнинг 

---

18 
реал эффектив алмашув курси қарийб 15 фоизга мустаҳкамланиши 
кузатилди. 
 
2.1.1-
расм