Ўзбекистон республикаси мактабгача таълим вазирлиги мактабгача таълим ташкилотлари

Кириш
Мавзунинг долзарблиги.
Мактабгача таълим ташкилотида ривожланиш марказларини ташкил этишда болаларнинг ўзига хос белгиларга эга бўлган ёшга доир хусусиятлари ва эҳтиёжларини ҳисобга олиш муҳим аҳамият касб этади.
Болаларга йўналтирилган гуруҳда пухта ўйланган ва хавфсиз ташкил этилган ривожланиш муҳити энг муҳим рол ўйнайди, бу педагогларга Давлат ўқув дастурининг мақсад ва вазифаларини амалга ошириш ва шахсга йўналтирилган таълим технологияларини қўллаш имконини беради. Гуруҳ биноларини кичик маконларга - ривожланиш марказларига бўлиш тавсия этилади. Тарбиячилар, шунингдек, жадвалда гуруҳдаги ривожланиш марказларининг минимал сони кўрсатилганлигини тушунишлари керак; МТТ ва ҳудуднинг таълим жараёни мазмунининг имкониятлари ва хусусиятларини инобатга олган ҳолда гуруҳдаги бошқа ривожланиш марказлари ташкил этилиши мумкин.
Турли гуруҳларда марказлар тўплами ҳар хил бўлиши мумкин, аммо Давлат ўқув дастури гуруҳдаги бешта асосий ривожланиш марказларини тавсия қилади: фан ва табиат; тил ва нутқ; сюжетли-ролли ўйинлар ва саҳналаштириш, санъат; қурилиш, қуриш-ясаш, математика. Гуруҳда бошқа ривожланиш марказларини яратиш ҳам мумкин, уларни яратиш болаларнинг манфаатларига, гуруҳнинг бўш маконига ва мактабгача таълим ташкилотининг моддий-техник имкониятларига боғлиқ. Бундай марказлар вақтинчалик ёки фақат болалар фаолиятининг махсус турлари учун ташкил этилиши мумкин (қум ва сув марказлари; пазандачилик; мусиқа марказлари). Таълим муҳитини яратишда педагоглар болалар фаол бўлиши мумкин бўлган жойлар мавжудлигини таъминлаши керак.
Педагог ривожланиш марказларида таълимий фаолиятни ташкиллаштиришда қуйидагиларни билиши ва ёдда тутиши лозим:

1. 
   Болаларни улар қандай бўлсалар, шундай қабул қилиш.
   
2. 
   Болаларга ўқитиш мақсадларига эришишда кўмаклашиш.
   
3. 
   Болалар нималарга қодир эканликларини ва улар ўз ёш гуруҳларида қандай ўқиётганликларини билиш тарбиячига ўқитишни режалаштириш ва ташкил этиш учун бошланғич маълумотни бериш.
   
4. 
   Агар педагог барча болаларга бир хилда ёндашадиган бўлса, бола муваффақият қозона олмайди.
   
5. 
   Педагог боланинг турли хил предметлар билан фаолиятини, унинг турли хил машғулотларга киришиб кетганлигини доимий кузатиши керак, болаларнинг қобилият, қизиқиш ва эҳтиёжларини билиб олишга интилиши лозим.