Ўзбекистон республикаси мактабгача таълим вазирлиги мактабгача таълим ташкилотлари

Ривожлантирувчи муҳит мазмунига қуйидаги талаблар қўйилади:
мазмунан бойитилган - Давлат ўқув дастурининг мазмунига мос келиши, турли хил материаллар, жиҳозлар ва инвентарларнинг хилма-хиллиги (хонада ва очиқ ҳавода);
ўзгарувчан - таълим ҳолатидан қатъий назар, шу жумладан болаларнинг хилма-хил қизиқишлари ва имкониятларига қараб, ривожлантирувчи муҳитда ўзгаришлар мумкинлиги;
полифунксионал - турли мавзулардан атрофлича фойдаланиш имконияти;
вариатив - гуруҳда турли макон, ривожланиш марказлари, шунингдек, болаларнинг эркин танловини таъминлайдиган турли хил материаллар, ўйинлар, ўйинчоқлар ва жиҳозларнинг мавжудлиги; ўйин материалининг мунтазам равишда ўзгартирилиши, болаларнинг ўйин, ҳаракат, когнитив ва тадқиқот фаолиятини рағбатлантирадиган янги предметларнинг пайдо бўлиши;
ҳаммабоп - тарбияланувчилар, шу жумладан барча таълим муассасаларининг имконияти чекланган болалар учун, ўқув жараёнида фойдаланиладиган- болалар фаолиятининг барча турларини таъминлайдиган ўйинчоқлар, ресурслар, имтиёзлар;
хавфсиз - барча элементларни улардан фойдаланишнинг ишончлилиги ва хавфсизлигини таъминлаш талабларига мувофиқлигини назарда тутади;
оқилона (ўйланган) - Давлат ўқув дастури ва Давлат талабларига мувофиқ замонавий ривожлантириувчи муҳитни яратиш, шунингдек, мактабгача таълим ташкилотининг турли таълим дастурларини амалга оширишни таъминлаш учун барча имкониятлардан фойдаланиш; инклюзив таълим ташкил этилган тақдирда, зарур шарт-шароитларни таъминлаш;
маҳаллий шароитга маданий жиҳатдан мослашиш - маданий ва тарихий қадриятларга, миллий ва минтақавий анъаналар, табиатга, иқлимга боғлиқ хусусиятлар, ҳудуднинг саноат ҳаётининг ўзига хос хусусиятлари мос бўлиши;
шахсиятга ёъналтирилган - тарбиячи ҳар бир бола ўз қизиқишларига кўра машғулот топа олишини таъминлаши керак (болалар гуруҳ муҳитида осонгина ҳаракат қилишади, қаерда эканлигини билишади, ўйинчоқлар ва барча ресурслардан эркин фойдаланишлари мумкин).
Ривожлантирувчи муҳитнинг мазмуни мактабгача таълим ташкилотининг шароитлари ва имкониятларидан келиб чиққан ҳолда камида 5 та ривожланиш марказларини¹⁷ ташкил этишни таъминлаши керак.