Ўзбекистон республикаси маданият ва спорт ишлари вазирлиги

Muhammadjon Mirzayev–1913-yilda Toshkent shaxrida tug’ilgan.Yetuk bastakor va sozanda, pedagog o’z kasbining mohir ustasi bo’lgan Rubob cholg’usini mukammal ijrochisi hisoblanadi. Farxod GES qurilishi qoshidagi xalq teatrida badiiy raxbar lavozimida ishlagan. M.Turg’unboyeva nomidagi “Bahor” ansambli uchun ko’pgina asarlar yozgan. Ulrdan: “Bahor valsi”, “Gulnoz”, “Dilbar”, Intizor etma”va h.k. Dutor cholg’usi uchun “Yangi Tanovar’’ asarini yozgan.
Muhammad Otajonov- 1959-yil 16-sentabrda Xorazmning Urganch shahrida ziyolilar oilasida tug’ilgan.Otajonovlarning 4-vakili hisoblanadi.Sulolaning 1- vakili kompozitorning katta bobosi - Surnaychi, 2- avlod bobosi Otajon garmonchi, 3-avlod otasi Abdusharif Otajon –Kompozitor, onasi O’zbekiston Xalq artisti Bikajon Rahimova bo’ladi.
Kompozitor turli janrlarda muvaffaqiyatli asrlar yaratgan va yaratib kelmoqda. Musiqali drama deysizmi, simfonik asarlar,kamer cholg’u asarlar, 2 ta fortepiano uchun duetlar, ovoz uchun romanslar, Estrada qoshiqlari, bolalar uchun fortepiano asarlari va xalq cholg’ulari uchun:
- Afg’on rubob va fortepiano uchun “Konsert”
- Qashqar rubob va fortepiano uchun “Konsert”
- Rubob prima va fortepiano uchun “Turkmancha konsert”
- Nay va fortepiano uchun “Konsert”
- Qo’shnay va fortepiano uchun “Naqsh”, “Shirin xotira”
- G’ijjak uchun “Toshkent janonasi”.
- Dutorchilar kvarteti uchun “Armon”kabi asarlar yaratgan.
Sherzod Umarov– 1971-yilda Andijon viloyati Baliqchi tumanida xizmatchi oilasida tug’ilgan. Otasi Akbarali aka ham musiqa shaydosi bo’lib, “Akbar qiziq” nomi bilan mashxur bo’lgan. Akbarali aka Moskvada bo’lib o’tgan “Xalqaro Yoshlar Festivali” ning laureatidir.Bu festivalda Bernora Qoriyeva, Klara Jalilova kabi elimiz ardog’idagi san’atkorlar ham bo’lgan. Otasi Sh.Umarovni musiqaga qiziqishini erta faxmlagan. ”San’at G’unchalari” tanlovida 2- o’rin sohibi bo’lgan, Buxoroda bo’lib o’tgan Respublika yosh ijrochilar tanlovida ham 2-o’rin sohibi bo’lib ,O’zbekiston Davlat Konservatoriyasiga “Imtizyozli” ravishda o’qishga kirgan.
“Sug’diyona” kamer xalq cholg’ulari orkestrida ijrochi-sozanda, cholg’ulashtiruvch, dirijor yordamchisi va xonanda, Doni Zokirov nomidagi xalq cholg’ulari orkestrida sozanda, O’zbek Raqs birlashmasi qoshidagi o’zbek xalq cholg’ulari orkestrida sozanda hamda dirijor yordamchisi, 2011-yild Sherzod Umarov o’zining ‘’Navro’z” xalq cholg’ulari kamer orkestrini tuzdi. 2001-yildan buyon O’zbekiston Davlat Konservatoriyasida Orkestr sinfi, dirijorlik amaliyoti, dirijorlik sinfi kabi fanlardan talabalarga ta’lim berib kelmoqda. O’zbekiston Madaniyat va San’at Institutida ham padagogik ish faoliyatini olib bormoqda. Ko’plab orkestr uchun asarlar cholg’ulashtirgan va yaratgan . Bulardan biri: Dutor tenor va xalq cholg’ular orkestri uchun yaratilgan “Sharqona Raqs” asaridir. Bu asar 3-qismli bo’lib har xil ritmika va usullar qo’llanilishi, kadensiyaning rivojlanib borishi yanada kuy jozibali bo’lib ohang taratishi insonni ajib hayolot dunyosiga olib kiradi.