Ўзбекистон Республикаси Иқтисодиёт вазирлиги

I.2.2. Бюджет-солиқ сиёсати
2013 йилда вилоятда маҳаллий бюджетининг даромадлар қисми режаси 311,1 млрд. сўмга белгиланган бўлиб, амалда 318,7 млрд. сўмни ташкил этиб, ўтган йилнинг шу даврига нисбатан 130,0 фоизни ташкил қилган.
Вилоят бюджетининг харажатлар қисми режадаги 593,9 млрд.сўм ўрнига 585,6 млрд.сўмни ташкил этиб, ўтган йилнинг шу даврига нисбатан 125,8 фоизни ташкил қилган.
Маҳаллий бюджет харажатлар қисми асосан, умумий таълим соҳасига
233,2 млрд.сўм, кадрлар тайёрлашга 68,5 млрд.сўм, соғлиқни сақлаш соҳасига 123,4 млрд.сўм, маданият соҳасига 3,8 млрд.сўм, марказлаштирилган инвестицияларга 20,5 млрд.сўм ва аҳолининг турмуш фаровонлигини ошириш харажатларига 52,7 млрд.сўм сарфланган.
Вилоятда жорий йилда белгиланган солиқ ва йиғимлар тушуми режадаги 454,2 млрд. сўм ўрнига ҳақиқатда 457,6 млрд.сўмни ташкил этиб, 100,8 фоизга бажарилган.
Бу кўрсаткич ўтган йилнинг мос даврига нисбатан 23,8 фоизга кўпайган (ўтган йили 369,6 млрд.сўм).
2013 йилнинг охирига корхоналарнинг бюджет олдидаги боқиманда қарздорлиги 19,5 млрд.сўмни ташкил этиб, йил бошига нисбатан 3,9 млрд. сўмга кўпайган.
Қарздорлик миқдори бўйича Урганч шаҳрида 685,3 млн.сўмга, Боғот туманида 432,6 млн. сўмга, Гурлан туманида 432,4 млн. сўмга, Қўшкўпир туманида 384,2 млн. сўмга, Урганч туманида 107,0 млн. сўмга, Хазорасп туманида 261,9 млн. сўмга, Хонқа туманида 6,8 млн. сўмга, Хива туманида 162,2 млн. сўмга, Шовот туманида 231,8 млн. сўмга, Янгиариқ туманида 471,4 млн.сўмга ва Янгибозор туманида 766,1 млн.сўмга йил бошига нисбатан кўпайган.
Пенсия жамғармасига 358,5 млрд.сўм маблағ туширилиб, прогноз кўрсаткичи 100,9 фоизга бажарилган. Корхоналарнинг Пенсия жамғармаси олдидаги боқиманда қарздорлиги миқдори 19,2 млрд. сўмни ташкил этган.
- Жами дебитор ва кредиторлик қарздорлик
Вилоят бўйича 2013 йилнинг 1 декабрига жами дебиторлик қарздорлик
476,6 млрд.сўмни, кредиторлик қарздорлик бўлса 587,2 млрд. сўмни ташкил қилиб, ўтган йилнинг шу даврига нисбатан дебиторлик қарздорлик 139,3 млрд. сўмга, кредиторлик қарздорлик эса 139,2 млрд. сўмга ошган.
Шундан муддати ўтган дебиторлик қарздорлик 3,7 млрд.сўмни ташкил қилиб, ўтган йилнинг 1 декабрига нисбатан 159,3 млн. сўмга (ўтган йили
3827,0 млн. сўм) камайган.
- Зарар кўриб ишлаётган корхоналар
2013 йил 1 декабрь ҳолатига зарар билан ишлаётган 6 та корхона мавжуд бўлиб, зарар миқдори 2150,3 млн.сўмни ташкил қилди. Жумладан, Урганч шаҳридаги “Иссиқлик манбаи” ОАЖда 1553,3 млн.сўм, “Хоразм оби-ҳаёт ЛТД” МЧЖда 479,2 млн.сўм, “Туямўйин – Урганч” сувдан фойдаланиш бошқармасида 1,1 млн.сўм, "Троллейбус бошкармаси" 81,0 млн.сўм, "Тумарис Нур" хусусий корхонаси" хусусий корхонаси 27,2 млн.сўм ва "Расул Транс" МЧЖ 8,5 млн.сўм.