Ўзбекистон республикаси қишлоқ ва сув хўжалиги вазирлиги тошкент давлат аграр университети шералиев Абдусаид Шералиевич

Ўсмалар нимадан ҳосил бўлади?
А.Бактерияларнинг фитогармонлари ва озиқ моддалар кўплигидан.
Б.Бактериялар токсинларидан; В.Бактериялар ферментларидан;
Г.Бактериялар метоболитларидан.
Бактерияларнинг патогенлик хусусиятини аниқлаш нима?
А.Антиген ва антителаларнинг реакцияга кириши асосида касалликни аниқлаш.
Б.Касалликни ички белгиларига қараб аниқлаш.
В. Микробиологик метод.
Г.Ўсимликни сунъий зарарлаб, уларнинг белгиларини аниқлаш.
С.Артемов (1939) томонидан таклиф қилинган Грам усулида бўялганда Помидорнинг бактериал раки ва картошканинг ҳалқали чириш касалликлари қўзғатувчилари қандай рангга киради?
А. Кўрсатилган касалликларда бактериялар ранги салбий бўлади.
Б. Кўрсатилган касалликларда бактериялар ранги ижобий бўлади.
В. Кўрсатилган касалликларда бактериялар ранги муносабат билдирмайди.
Г. Кўрсатилган касалликларда бактериялар бефарқ бўлади.
Бактериялар ўсимликларни касаллантирганда рўй берадиган патологик ўзгариш неча типга бўлинади?
А.Умумий (системали) ва маҳаллий бўлмаган (локал); Б. Умумий (системали) ва маҳаллий (локал); В. Умумий бўлмаган (системали) ва маҳаллий (локал);
Г. Умумий (системали) ва маҳаллий (локал) бўлмаган.
VI-БОБ


ЎCИМЛИКЛАРДА БАКТЕРИЯЛАР ҚЎЗҒАТАДИГАН КАСАЛЛИКЛАР НАТИЖАСИДА РЎЙ БЕРАДИГАН ФИЗИОЛОГИК ЎЗГАРИШЛАР
Ўсимликларда бактериялар қўзғатадиган касалликлар натижасида нафақат морфологик, балки физиологик ўзгаришлар амалга ошади. Бундай ўзгаришлар ўсимликдаги ташқи ва ички хусусиятларнинг ўзгаришига сабаб бўлади.
Хлорофилл. Бактериал доғланиш билан касалланган ўсимлик баргларда хлорофилл доначалари 32-64 % камаяди. Бактериоз билан касалланган ловия ўсимлик баргида улар миқдори 14 дан 9 мг% ни ташкил қилади.
Фотосинтез. Бактериялар таъсирида доғланиш билан касалланган ўсимликнинг тўқимасига экстрацеллюлар ферментлар билан таъсир қилиши натижасида фотосинтез жараёнини сустлашишини В.Ф. Купревич (1947) томонидан ўрганилган. Масалан, X. vesicatoria билан касалланган картошка баргидаги доғлардаги токсинлар таъсирида фотосинтез интенсивлиги пасайиб, бутун ўсимликнинг ривожланишига салбий таъсир қилади.