Ўзбекистон республикаси қИҚишлоқ ва сув хўжалиги вазирлиги самарқанд ветеринария медицинаси институти 440000 Ветеринария таьлим соҳаси

2. ташқи донадор қават. Майда, уч қиррали пирамидал ва юлдузсимон невроцитлардан тузилган. Ҳужайраларнинг катталиги 10 мкм атрофида. Уларнинг асосидан оқ моддага йўналувчи нейрит, учки ва ён томонларидан турли йўналишда дендритлар ажралади;
3. пирамидал қават. Пўстлоқнинг энг қалин қавати. Бу ердаги пирамидал невроцитларнинг катталиги қаватнинг чуқур қисмларига қараб ортиб боради (10-40 мкм). Ўсимталарнинг шакли ва жойлашиши аввалги қават ҳужайралариникига ўхшаш;
4. ички донадор қават. Майда юлдузчасимон ва улар орасида жойлашган пирамидал ҳужайралардан иборат бўлиб, ташқи донадор қаватга ўхшайди.
5. ганглиоз қават. Йирик ҳужайралар бўлиб - баландлиги 120 мкм, эни 80 мкм келадиган гигантопирамидал невроцитлардан иборат бўлиб, хроматофил моддаси йирик парчалар ҳолида учрайди. Нейритлари орқа мия кортико-спинал (по`стлоқ-орқа мия) ўтказувчи йўлларнинг асосий қисмини ташкил этади ва орқа миянинг ҳаракатлантирувчи ўзакларида синапслар билан тугайди;
6. полиморф қават. Турли катталикдаги дуксимон шаклдаги битта нейрит ва иккита дендритли ҳужайраларга эга. Дендритларидан бири юқорига, биринчи қаватга йўналса, иккинчиси оқ модданинг юза қаватида тескари йўналган ён шохчалар билан тугайди.
Миянинг қаттиқ пардаси - эластик толаларга бой бириктирувчи зич тўқимадан тузилган бўлиб, ички юзаси глиал табиатга эга “эндотелийсимон” ҳужайралар билан қопланган. Бош мияда қаттиқ парда суяк усти пардаси билан туташиб, орқа миянинг ёғ` билан тўлган эпидурал бўшлиғи билан ажралиб туради.
Тўрсимон парда (аrachnoidea) - бириктирувчи тўқиманинг ингичка боғламчаларидан тузилган бўлиб, унинг ҳар иккала юзаси глиал табиатли “эндотелий” тўқимаси билан қопланган.
Юмшоқ мия пардаси (piae materr) тўрсимон пардадан субарахноидал бўшлиқ билан ажралиб туради. Бу бўшлиқ цереброспинал суюқлик билан тўлган бўлиб нерв хўжайралари трофикасини таьминлайди ва мия қоринчалари билан туташади. Юмшоқ мия пардаси ингичка тўсинчалари ёрдамида, тўрсимон парда билан қўшилиб, унга ўхшаш тўқималардан тузилган ва қон томирларга бой бўлиб тармоқлари мия томон йўналади.