Ўзбекистон республикаси ички ишлар вазирлиги академияси дастлабки тергов ва криминалистика

Тадқиқотнинг объекти ва предмети. Тадқиқотнинг объекти жиноят ҳақида хабар бермаслик ёки уни яшириш билан боғлиқ ҳолатларни тартибга солувчи Жиноят кодекси нормалари ва уни қўллаш амалиёти ҳисобланади. Тадқиқотниг предметини тергов ва суд амалиётида жиноят ҳақида хабар бермаслик ёки уни яшириш жиноятларини ўрганиш, амалиёт ходимлари томонидан ушбу турдаги жиноятларни содир этган шахсларнинг қилмишига жиноий-ҳуқуқий жиҳатдан баҳо бериш ҳолатларини таҳлил қилиш, уларнинг ҳозирги ҳолати, динимикаси, шунингдек ушбу жиноятларни олдини олиш жараёнидаги муаммолар ташкил қилади.
Тадқиқотнинг усуллари. Тадқиқотнинг назарий ва методологик асосини ижтимоий ҳаётдаги реал ҳодисалар, шунингдек, жараёнларни доимий ривожланишда, ўзаро алоқадорликда, бир-бири билан чамбарчас боғлиқликда ўрганувчи билишнинг диалектик методи, Ўзбекистон Республикаси биринчи Президенти И.А.Каримов ва Ўзбекистон Республикаси Президенти Ш.М.Мирзиёевнинг жиноятчиликнинг олдини олиш билан боғлиқ асарлари, маъруза ва нутқлари хизмат қилди. Шу билан биргаликда илмий билишнинг тизимли, мантиқий, қиёсий, статистик ва бошқа усулларидан имкон даражасида фойдаланилди. Тадқиқот ишининг эмперик асосини Ўзбекистон Республикаси Олий судининг 2014-2016 йиллардаги статистик маълумотлари ташкил қилади.
Тадқиқот мавзуси бўйича адабиётлар шарҳи (таҳлили). Битирув малакавий ишининг мавзусига боғлиқ бўлган асосий адабиётлардан бири ҳуқуқшунос олим, Юридик фанлар доктори А.А.Отажоновнинг 2010 йилда Ўзбекистон Республикаси ИИВ Академиясида чоп этилган «Жиноятга дахлдорлик институтининг жиноий-ҳуқуқий тартибга солиниши» номли ўқув қўлланмаси бўлиб, унда жиноятга дахлдорлик институтининг ҳуқуқий тартибга солиниши, жиноятга дахлдорлик билан боғлиқ қилмишларни содир этганлик учун жиноий жавобгарлик белгиловчи қонун нормаларини амалда қўлланилиши ва унинг жиноят ҳақида хабар бермаслик, жиноятни яшириш ва жиноятга йўл қўйиш каби шаклларини, шунингдек, улар билан боғлиқ қилмишларни квалификация қилиш ҳамда жиноятда иштирокчиликдан фарқ қилувчи жиноий-ҳуқуқий белгиларини таҳлил қилган. Битирув малакавий ишига жиноятга дахлдорликнинг фақатгина жиноят ҳақида хабар бермаслик ёки уни яшириш каби шаклари таалуқли бўлиб, шарҳланаётган адабиётда муаллиф томонидан жиноят ҳақида хабар бермаслик ёки уни яшириш билан боғлиқ берилган таклиф ва тафсиялари аҳамиятга молик бўлиб ҳисобланади.
Жиноятга дахлдорликнинг шакллари жиноят ҳақида хабар бермаслик ёки уни яшириш билан боғлиқ айрим муаммолар Ғ. А. Абдумажидов, Қ.Р.Абдурасулова, Б.Ж.Ахраров, З.Х.Гулямов, З. С.Зарипов, О.Ғ.Зокирова, Р.Кабулов, М.М.Қодиров, С.Ниёзова, М.Х.Рустамбоев, М.Усмоналиев, И.Х.Хакимов, А.С.Якубов, А. А.Отажонов⁷ каби мамлакатимиз олимларининг илмий изланиш ишларида кўриб чиқилган ва бу билан боғлиқ баъзи масалаларга оид ўз фикрларини билдирганлар.