Ўзбекистон Республикаси Хал= таълими вазирлиги

 
 
 

---

38 
Мақоллар 
Дангаса ишдан қочар, меҳнат иштаҳа очар. 
Дарахт япроғи билан кўркам, одам меҳнати билан. 
 
Бекоржон П.Мўмин шеъри 
Кўча бўйлаб санқирди, 
Бекоржон ўзи. 
Анграяди атрофга, 
жавдирар қўзи. 
Йўл четида қурарди , 
усталар бино 
Бекоржон қараб қолди, 
кўргандай кино. 
қурувчилар ўз вақтин,
тежаб астойдил 
Шундай ишлар қиларкан!
 
- деб қолди қойил. 
Тайѐр уйлар деворин,
кўтарар кран
Ўтган кетган тикилар,
таажжуб билан. 
Икки соат айланиб,
келса Бекоржон 
Бир хона уй битибди,
бўлди у ҳайрон. 
Аммо, ўзин кўп вақти 
ўтгандан бекор. 
Хабари бормикан ҳеч
ўйласин бир бор. 
 
32- мавзу: «Тежамкорлик- яхши одат» 
НОН ҲИДИ 
(Ривоят) 
 
Ҳиротнинг султони Ҳусайн Бойқаро: "Дунѐдаги энг яхши ҳидни келтиринг!" - деб қолибди. Унга 
қучоқ- қучоқ гул келтиришибди. Султон: "Йўқ", - дебди. Қалампирмунчоқни рўбарў қилишибди, рад 
этибди. Ер юзидаги жамики хушбўй нарсаларни, ҳидли нарсаларни муҳайѐ қилишибди. Султон бўлса: 
"Мен айтган бу эмас", - деб туриб олибди. Кейин: 
-Уч кун муҳлат ичида топсаларинг топларинг, бўлмаса ҳаммангни жазога торттираман, - дебди.
Вазирлар нима қилишни билолмай, ўйлайвериб, бошлари қотибди. Ҳусайн Бойқаро истаган 
ҳидни топиша олмай, охири Навоийнинг олдига боришибди: 
-Султонимиз айтган ҳидни топиб, бизни ҳалокатдан сақлаб қолинг, - дейишибди. 
Дўстининг кўнгли кандай ҳидни истаганини билолмай, Навоийнинг ҳам боши қотибди. Деҳқон 
бободан сўраган экан, у: 
-Янги ѐпилган нондан олиб боринглар-чи, отам раҳматли, дунѐдаги энг лаззатли ва ѐқимли ҳид – 
қайроқи буғдой унидан ѐпилган тандир нон. Ҳеч қайси ҳид унга етолмайди, дегувчи эдилар, - деб 
маслаҳат берибди. 
Навоий хурсанд бўлиб, деҳқон айтганини қилиб, бир сават нон ѐптирибди-да, саройга етиб 
борибди. Бир зумда саройга ажиб ѐқимли ҳид тарқаб, барчанинг дилини яшнатиб юборибди. 
-Раҳмат, дўстим, - дебди Ҳусайн Бойқаро нонларни кўриб,- кўнглим янги ѐпилган нон исини 
қўмсаѐтган эди, топиб келибсиз. Дунѐда янги ѐпилган ноннинг исидан кўра ѐқимлироқ ҳид йўқ... 
-Султоним, раҳматни менга эмас, деҳқон бобога айтинг, кўнглингизнинг хоҳишини шу киши 
топди, - деб жавоб берибди Навоий. 
Ҳусайн Бойқаро деҳқонга бош-оѐқ сарпо беришни буюрибди.