Ўзбекистон республикаси халқ таълими вазирлиги тошкент вилоят давлат педагогика институти ж. Ҳасанбоев, Ҳ. Сарибоев, Г. Ниёзов

§ 2. Давлат рамзлари ва уларга нисбатан ҳурмат
ҳнссини шакллантириш
Давлатимиз рамэлари - байроқ, тамға, мадҳия Ўзбекистон халқ- 
ларининг шон-шарафи, ғурури, тарихий хотираси ва интилишла- 
рнни ўзида мужассамлаштиради. Мана шу рамзларни эъзозлаш- 
ўзининг қадр-қимматини, ўз мамлакатига ва шахсан ўзига бўлган 
ишончни мустаҳкамлаш демакдир. Ўз мамлакати билан фахрла- 
надиган инсон жуда кўп нарсаларга қодирдир. Бу эса оиланинг 
ҳам, ўз Ватанининг ҳам шон-шуҳратини оширади (И.А.Каримов).
Давлат рамзлари муайян миллат, элат этнопсихологик хусуси- 
ятлари, қарашлари, орзу-умидлари, интилишлари ҳамда мақсади- 
ни, ҳудудий, сиёсий ижтимоий бирлик моҳиятини ажратишга хиз- 
мат қилувчи тасвирий белгилар мажмуидир. Муайян давлатнинг 
байроғи, герб (тамғаси) ҳамда мадҳияси давлат рамзлари мажму- 
ини ифодалайди.
Давлат рамзлари ўзларида чуқур сиёсий ва ижтимоий мазмун 
ифода этади. Давлат рамзларнда (байроқ, гербда) тасвирланган 
ранглар, тасвирлар шу халқ, миллат ўтмишн, қадим анъаналари, 
халқнинг турмуш тарзи, орзу-умидлари, мақсади, гояларини ифода- 
лашига хизмат этадн. Давлат мадҳиясида эса халқ, миллат, давлат ва 
жамиятнинг ягона мақсади, бирлиги, ғоялари тараннум этилади.
Давлат рамзлари давлат мавжудлигини кўрсатувчи белгилар- 
дан саналади. Рамзлар-бу шартли белгилар бўлиб, улар қадим давр- 
лардаёқ турли халқларда у ёки бу ҳодиса, олам, мавжудот, одам- 
лар тасвирини, уларнинг қарашларини ифодалаган.
Республикамизда давлат мустақиллигининг эълон қилиниши 
мустақилликни акс этгирувчи рамзларни ишлаб чиқишни тақозо 
этади. Шу муносабат билан 1990 йил 30 мартда «Ўзбекистон Рес- 
публикасининг Давлат мадҳняси тўғрисида» ги қарор қабул қилин- 
ди ва бу борада ишлар бошлаб юборилди.
Мадҳия-ҳар бир давлатнинг бош ва асосий қўшиғи ҳисобла- 
нади. Унда муайян давлат, унда яшайдиган халқнинг руҳияти ўзига 
хос табиати, орзу- умидлари тараннум этилади.
«Ўзбекистон Республикасн Давлат мадҳияси» да жонажон мам- 
лакатимиз Ўзбекистоннинг асосий жиҳатлари, бетакрор табиати 
халқимизнинг ажойиб хислатлари, аждодларимизнинг мардона
www.ziyouz.com kutubxonasi

---

руҳи, бағри кенглиги, мустаҳкам иймон жўшқин мисрларда куй- 
ланади. Юртимизнинг келажагига умид ва ишонч уйғотади.
Мустақиллик берган озод, эркин турмуш давлатимизнинг бар- 
ча жабҳаларига миллнй ва кўтаринки руҳ, ўзбекона колорит би- 
лан ишлаш, яшаш ва куйлаш бахтини ато этади. Шу жумладан, 
давлатимиз мадҳияси ҳам янгитдан вужудга келди.
«Ўзбекистон Республикаси давлат мадҳияси», шубҳаснз, Ўзбе- 
кистон халқ шоири, Ўзбекистон қаҳрамони Абдулла Орипов ижо- 
дининг гултожи, энг сара бадиият намунаси бўлиб, Ўзбекистон 
Олий Мажлисининг 1992 йил 8 декабрда бўлиб ўтган XI сессия- 
сида Ўзбекистон Республнкасн давлат мадҳняси сифатида қабул 
қилинди. Ушбу мадҳняга таниқлн бастакор Мутал Бурҳонов му- 
сиқа басталаган.
Таьлим муассасаларида фуқаролик тарбняснни ташкил этиш 
жараёнида ўқувчиларга давлат рамзлари, уларнинг моҳияти бо- 
расидаги маълумотларни бериш, уларнинг онгига давлат рамзла- 
рининг халқ, миллат ор-номуси, шаъни қадр-қиммати тимсоли 
эканлнги тўғрисидаги ғояларни сингдириш орқали ўқувчиларда 
уларга нисбатан ҳурмат туйғусини қарор топтириш каби вазафа- 
ларни ижобий ҳал этиш мақсадга мувофиқ саналади. Хусусан, 
Ўзбекнстон Республикаси давлат мадҳиясининг қуйидаги матни 
ўқувчилар томонидан нафақат ёд олиниши, балки мадҳияда ифо- 
да этилган фикрлар мазмунини чуқур таҳлил этилиши борасида 
шарт-шароитларни яратиб бериш таълим муассасалари жамоаси, 
уларнннг раҳбарняти олдидаги асосий вазифалардан биридир: