Ўзбекистон республикаси халқ таълими вазирлиги республика таълим маркази

Сузиш машғулотларининг соғломлаштиришдаги аҳамияти
Мунтазам равишда сузиш шуғулланувчининг соғлигига ва иш қобилиятига яхши таъсир этади. Сузувчининг организми ҳароратнинг тез ўзгаришларига чидамли бўлади: гигиена қоидаларига риоя қилган ҳолда у шамоллашга кам учрайди. Сузиш машғулотлари асосий скелет мушакларининг ривожланишига ва умуртқани тўғри тутишга имкон беради.
Сузиш нафас олишга, юрак-қон томирларига ва асаб тизимларига яхши таъсир қилади. Сузувчиларнинг қон-томир йўллари аъло даражада бўлади.(Тананинг горизонтал ҳолати ва сувнинг босими периферияда (чегарада)қонни қочишини осонлаштиради, қон айланишини яхшилайди), юракнинг кучли ва тежамли ишлашини таъминлайди.
Маълумки, спорт билан шуғулланадиган қизчаларда ва қиз болаларда ҳаётий ҳажми ўртача 2,8 дан 3,5 л ни ташкил этади, кичкина болаларда ва йигитларда эса 3,5 дан 4,2 л.
Сузувчиларда бу ҳажм тез ўсиб, вақт ўтиши билан 3,5-5,0 ва 5,5-6,5 л га етади. Лекин, муҳими ўпкадан чиқарилаётган нафаснинг кўплиги эмас, балки ундан кислород ола билиш муҳимроқ.Бунда сузувчилар ўзига яраша рекорд ўрнатишда уларда 1 ва ундан ошиқ литр кислородни 1 дақиқада истеъмол қилишади.
Сув муолажалари ва сузиш машғулотлари одам асаб тизимига яхши таъсир қилиши қадимдан маълум.Шунинг учун ҳам бу воситалардан фақатгина профилактика учун эмас, балки даволаш мақсадида қўлланилади. Сузиш уйқуни яхшилашга ёрдам беради. Спортчининг кучли турдаги асаб фаолиятининг шаклланишига кўмак беради.
Сузиш амалда катта моҳият касб этади, ҳар хил касбдаги одамларнинг, жумладан, геолог-қидирувчилар, гидро-техника иншоотлари қурувчилари, суғорувчилар, балиқчилар, денгизчилар, сув остида ишлайдиганлар, учувчилар, космонавтлар ва бошқалар сузишни билиши жуда зарур.
Сузиш турлари
Ҳозирги вақтда сузиш турлари унинг мақсадига қараб йўналтирилган.
Сузиш спорти
Шуғулланувчилар спорт услубида сузиш техникасини ўрганадилар ва мукаммаллаштирадилар, мусобақаларда юқори натижага эришиш учун машқлар қилишади.
Амалий сузиш
Сув остида чуқурликни ва узунлигидан машқлар ёрдамида сузиб ўтиш, техника ҳаракатларини ўрганиш(шўнғиш); чўкаётган одамга ёрдам бериш услубларини ўрганиш ва мукаммаллаштириш ва ўрганиш, сув марраларини енгиб ўтиш услубларини ўрганиш.
Синхрон сузиш
Мусиқа остида синхрон сузиш комбинацияларини ва техник элементларини бажаришни мукаммаллаштириш ва ўрганиш;
Мусобақаларда юқори натижаларга эришиш учун машқларни усталик билан бажариш.