Ўзбекистон республикаси халқ таълими вазирлиги республика таълим маркази

Сузиш машқлари жараёнида хавфсизлик қоидалари
Нотўғри ташкил қилинган ва ўтказилган чўмилиш машқлари шикастланиш ва бахтсиз ҳодисаларга ва бошқа оғир оқибатларга, айрим ҳолларда эса ўлимга олиб келиши мумкин. Шу сабабдан чўмилиш жойлари маъмурияти (шу жумладан олий ўқув юртлари, жисмоний тарбия кафедралари белгиланган хавфсизлик қоидаларига риоя қилиш чора -тадбирларини кўришга мажбурдирлар).
1.Сузиш бўйича машғулотлар махсус тайёргарликдан ўтган, ушбу фаолиятга эга бўлган мутахассис ёхуд йўриқчилар томонидан амалга оширишга рухсат берилади.
2.Ўқитувчилар, тренерлар ва йўриқчилар машғулот ўтказиладиган сув ҳавзаларини машғулотлар ўтказиладиган зал, ҳаммом ва хўжалик иншоотларининг хавфсиз ишлатиш қоидаларини (имзо) чуқур ўрганишлари лозим.

3. 
   Гуруҳ сув ҳавзаси маъмурияти томонидан белгиланган муддатда тўпланади, ҳар бир гуруҳда белгиланган меъёрдан ортиқ шуғулланувчи бўлишига йўл қўйилмайди.
   

4. Ўқитувчи шуғулланувчиларни сув ҳавзаси ички тартиби, қоидалари билан ўз вақтида таништириши лозим. У мазкур гуруҳда бахтсиз ҳодисаларга йўл қўймаслиги учун жавобгардир.
5. Машғулотлар жадвалида ҳар бир ўқитувчи, тренер ва йўриқчининг исми фамилияси кўрсатилиши шарт. Сув ҳавзаси маъмурияти рухсатсиз бир ўқувчини бошқасига алмаштириш таъқиқланади.
6.Машғулотларни ташкил қилиш қоидалари: гуруҳ сув ҳавзаси машғулотлар замирига ва ёки душга фақат ўқитувчи бўлганда киритилади:
Ўқитувчи гуруҳнинг душдан ванналар хонасига тартиб билан чиқишини таъминлайди : Машғулотлар гуруҳ сафланиши ва нома – ном текшириш (ёки санаш) дан бошланади. Кечикканлар сув хавзасига қўйилмайди.
Навбатдаги гуруҳ сув хавзасига фақат олдинги гуруҳ бутунлай чиқиб кетгандан кейин киради : шуғулланувчининг бассейндан чиқиб кетишига фақат ўқитувчи рухсат беради ; сузишни билмайдиган ёки яхши суза олмайдиганларни ўргатиш машғулотлари сув ҳавзасининг махсус ванналарида ёки унинг чуқур бўлмаган қисмида чуқур жойлардан ажратиш йўлакчалари бўлганида амалга оширилади. Янги келганларнинг сузиши бассейннинг чекка йўлакчаларида бир йўналишда ва ўқитувчи ҳамрохлигида амалга оширилади; сувга (тумба, борт, трамплин, ёки юқоридан) сакраш ўқитувчининг бевосита раҳбарлиги ва хавфсизлик таъминланган вақтида рухсат берилади. Бассейннинг чуқур бўлмаган қисмида, бўртдан боши билан пастга сакраш қатъиян ман этилади. Сув остига шўнғиш ва масофага сув остида сузиш машғулотлари биттадан кўп бўлмаган сузувчининг ўқитувчи назоратида бўлган вақтида сув остидан чиқиши таъминланган вақтида рухсат этилади. Сузиш машғулотлари ўқитувчининг кўрсатмасига биноан гуруҳ аъзоларининг сувдан чиқиши, сафга туриши, номма-ном текширилиши билан тугалланади. Гуруҳ аъзоларини душга йўналиши ва кийиниш хонасида ўқитувчи назорати остида бўлиши лозим, ўқитувчиларга сув ҳавзасида ўз гуруҳини ёки алоҳида сузувчиларнинг назоратсиз қолдириши қатъиян ман қилинади.
7. Ўқитувчи, тренер ва йўриқчилар сув хавзаси ваннасининг машғулотлар зали ёки хўжалик хоналарининг усткуна ва инвертарларининг техник ва санитар гигеник ҳолатини назорат қилади.
8. Ўқитувчи ҳар бир травма, бахтсиз ҳолатлар ва авария ҳолатлари тўғрисида сув хавзаси маъмуриятига зудлик билан ахборот бериши лозим.
9. Хизмат кўрсатувчи ходимлар (тунги навбатчилар, чилангарлар, назоратчилар, тиббиёт ходимлари ва бошқалар) га сув ҳавзасида назоратсиз чўмилиш таъқиқлайди.
10. Сув хавзасида машғулотлар ўтказиш, қутқарув инвентарлари (қуруқ, шест ва бошқалар) ҳамда тиббиёт ходимлари мавжудлигида рухсат этилади.