Ўзбекистон республикаси халқ таълими вазирлиги мактабгача муассасалар ходимларини қайта тайёрлаш ва

Керакли жиҳозлар: 
Гуллар, гулларнинг суратлари

---

82 
Машғулотнинг бориши. 
Болалар, сиз гулларни яхши кўрасизми? Нима учун? Гуллар очилганда унга 
нималар қўнади? Нима учун? Арилар гулдаги ширани сўради, улардан асал 
йиғади. Мен сизга гул ҳақида ханда ҳикоя ўқиб бермоқчиман. Ханда ҳикоя — бу 
кулгили ҳикоя дегани. Диққат билан эшитинг. 
Ҳиди ѐқади, ариси чақади 
Гул роса очилганда унинг қоқ ўртасида нимаси бўлади? — деб сўради Абдужалил 
ота жажжи набираси Лобархондан. 
Гулнинг қоқ ўртасида чақадиган ариси бўлади, эҳтиѐт бўлиб ҳидлаш керак, — 
деди Лобархон. 
Тарбиячи ҳикоя мазмуни бўйича болалар билан суҳбатлашади. 
Ҳикоя нима ҳақида экан? (гул) 
Ота набирасидан нимани сўрабди? 
Лобархон нима деб жавоб берибди? 
Ҳикояни тарбиячи яна бир бор ўқиб беради. Энди ким менга ҳикояни бошидан 
гапириб беради? 
(3 — 4 болалар жавоблари тингланади) 
Тетиклаштирувчи машқ 
Асалари 
Асалари қўниб гулга,
Шарбат йиғар тугунига. 
Ўнг қўлнинг кўрсаткич бармоғини олдинга чиқарилган ва уни доира шаклида 
айлантириб ҳаракатлантирилади, сўнгра худди шу ҳаракат чап қўлда бажарилади. 
Савод ўрганишга тайѐрлаш бўйича амалий машқ 
Тарбиячи болаларга гул тасвири туширилган карточкаларни тарқатади. Болалар 
гулдаста ичидан қўлларида тасвирланган гулни топишлари ва номини айтишлари 
керак. Масалан: тирноқгул, момақаймок, лола, атиргул. 
Гуллар ҳақидаги шеърлар айттириш билан машғулотни тугаллаш мумкин. 
Болалар билимини текшириш ва мустаҳкамлаш учун саволлар: 
-Ҳикоянинг номи нима экан? 
-Ота набирасидан нимани сўрабди? 
-Лобархон нима деб жавоб берибди? 
-Гулларни номланг. 
61-машғулот 
Мавзу: Нутқ товуш маданиятини тарбиялаш. 
Мақсад: «J» товушннинг артикуляциясини болалар эсига тушириш. «J» товушини 
сўзларда ва жумлаларда талаффуз этиш устида машқ қилиш: ҳаво оқимининг 
маълум вақтгача давом этишини назорат қилган ҳолда товушни чўзиброқ талаффуз 
қилишга, иборалардаги товушнинг маълум оҳанг билан талаффуз этилишини 
билиб олишга ўргатиш.