Ўзбекистон республикаси халқ таълими вазирлиги мактабгача муассасалар ходимларини қайта тайёрлаш

3-мшғулот 
Мавзу: “14-январ-Ватан ҳимоячилари куни” сурати асосида ҳикоя тузиш 
Мақсад: Болаларни сурат бўйича мазмунли ҳикоя тузишга, суҳбат пайтида фаол иштирок 
этишга ундаш, суратда акс эттирилган воқеаларни изчил баѐн қилишни, мавзу бўйича 
берилган саволларга тушуниб, қисқа ва тўлиқ жавоб бериш, ўртоқларининг бераѐтган 
жавобларига эътибор бериш малакасини такомиллаштириш. Суҳбат давомида болалар 
қалбида Миллий Армияга нисбатан муҳаббат, миллий ғурур ҳиссини тарбиялаш.
Вазифалар: 
Боғланган нутқни ривожлантириш. 
«Ватан», «Ҳарбийлар» мавзуларида луғатни фаоллаштириш. 
Нутқнинг ифодалилигини тарбиялаш 
Кутилаѐтган натижалар:
Болаларнинг боғланган нутқи ва товуш маданияти
ривожланади. 
Ватанни ҳимоя қилиш ҳар бир йигитнинг бурчи эканлигини англаб етадилар. 
Болалар қалбида Миллий Армияга муҳаббат, миллий ғурур ҳиссини тарбияланади.
Керакли жиҳозлар: 
―14-январ-Ватан ҳимоячилари куни‖ сурати 
Машғулотнинг бориши 
Тарбиячи: болалар, 14-январ- Ватан ҳимоячилари куни. Ватан ҳимоячилари бу бизнинг 
аскар йигитларимиз, сизнинг акаларингиз бўладилар. Сиз эса уларнинг ўринбосарлари 
бўласиз. Чунки тез кунда улғайиб, Ватанимиз посбонларига айланасиз. Аскар йигитлар -
Ватанимизни душманлардан ҳимоя қиладилар ва чегараларимизни қўриқлайдилар. Улар 
юртимиз тинч бўлиши учун кеча-ю кундуз сергак турадилар. Миллий Армиямизнинг 
мард аскарлари, бақувват қуроллари: ракета, самолѐт, танк, пулемѐтлари бор. 
Аскарларимиз кучли ва ботирлар. Улар ҳақида бир қанча шеърларни ѐд олганмиз. 
Келинглар, ѐд олган шеърларимизни эсга оламиз.(болаларнинг жавоблари) 
Ҳозир биз ―14-январ-Ватан ҳимоячилари куни‖ мавзусидаги суратини кўриб чиқамиз. 

---

47 
Тарбиячи ―14-январ-Ватан ҳимоячилари куни‖ сурати илиб қўйилади ва мазмуни бўйича 
суҳбат ўтказилади. 
Суратда кимлар тасвирланган? 
Суратни қандай номлаш мумкин? 
Аскар йигитларнинг қўлларида нималар бор? 
Дурбин аскарга нима учун керак? 
Аскар халтачасида нима бор деб ўйлайсиз? 
Чегарада ит аскарларга қандай ѐрдам беради? 
Танкчилар хизмати ҳақида нималарни биласиз? 
Кемада кимлар хизмат қилади? 
Жисмоний дақиқа.Тарбиячи: болалар, фараз қилинг сиз зобитларсиз, ўқув машқидасиз. 
Санама айтиб икки гуруҳга бўлининг. Болалар эгилган ѐй остидан эмаклаб ўтиб, саватга 
тўпни туширишга ҳаракат қиладилар. Қайси гуруҳ тўпни саватга аниқ туширса, шу гуруҳ 
ғолиб бўлади.
Жисмоний дақиқадан сўнг болаларнинг ҳикоялари тингланади. Сўнгра тарбиячи болалар
жавобларини умумлаштиради: болалар, биз 14-январ – Ватан ҳимоячилари куни эканлиги,
Ватанимизни кучли Миллий Армиямиз ҳимоя қилиши, аскарларимиз кучли ва ботир 
эканлиги, Армиямизнинг бақувват қуроллари борлиги ҳақида суҳбатлашиб олдик. Уйга 
борганимизда ҳаммамиз дадамизни, акаларимизни байрам билан табриклаймиз.