Ўзбекистон республикаси халқ таълими вазирлиги абдулла қодирий номидаги жиззах давлат педагогика институти

III БОБ. МАКТАБГАЧА ТАЪЛИМ ТАШКИЛОТЛАРИ ТАРБИЯЛАНУВЧИЛАРИНИ ҚЎҒИРЧОҚЛАР ВОСИТАСИДА ТАРБИЯЛАШ АМАЛИЁТИ.

Мактабгача таълим ташкилотлари да амалга ошириладиган тарбия ижтимоий характерга эгалиги билан муҳим аҳамиятга эга. Ўзбекистон Республикаси Вазирлар 2007 йил 25 октябрдаги 225-сонли Қарори билан тасдиқланган “Ўзбекистон Республикасида давлат мактабгача таълим муассасаси тўғрисида Низом”да қайд этилганидек, мазкур муассасалар “таълим-тарбия ва соғломлаштириш муассасаси ҳисобланади”. Унинг амалий вазифалари ушбу Низомга кўра қўйидагилардан иборат:

- болаларни ҳаётини муҳофаза қилиш ва соғлигини мустаҳкамлаш;
- бола шахси асосларини шакиллантириш, унинг билимига қизиқишларини ривожлантириш;
- боланинг интеллектуал, шахсий ва жисмоний ривожланиши таъминлаш;
- боланинг ривожланишдаги нуқсонларини тузатиш;
- болаларни миллий маданият ва умуминсоний қадрятлар билан таништириш;
- болаларни мактабда ўқишга тайёрлаш.
Бу вазифалар таълим ва тарбиянинг турли шакиллари, усуллари ва кўринишлари воситасида бажарилади. Шу маънода тарбияланувчиларни қўғирчоқлар воситасидатарбиялаш юқорида қайд этилганмвазифаларнинг амалий ҳал этиш таркибига киради.
Қўғирчоқлар воситасида тарбияланувчиларни тарбиялаш икки шакилда кечади;

1. 
   таълимий ўйинлар ташкил қилиш;
   
2. 
   машғулотлар ўтказиш;
   

Қўғирчоқлар воситасида ташкил қилинадиган таълимий ўйинлар бирор нарсани тарбияланувчиларга тушунтиришни, машғулотлар эса ёзиш, чизиш ва ҳисобни ўргатишни назарда тутади. Шу маънода бу ўринда қўғирчоқлар билан ўтказиладиган бир неча таълимий ўйинлар ва машғулотлар шакилларини намуна сифатида келтириб ўтиш мақсадга мувофиқдир.
1-машғулот. Қўғирчоқлар билан танишиш.
Мақсад: Қўғирчоқларнинг номини билиш, унинг тузилиши билан таништириш.
Керакли метериалла: қўғирчоқ, стул.
Машғулотнинг бориши: Тарбиячи қўғирчоқларни олиб киради, “бу ким” ёки “бу нима” деб сўрайди. Болаларни қўғирчоқ номи ва унинг тузилиши билан ўйин шаклида батафсил таништиради.