Ўзбекистон республикаси фавқулодда вазиятлар вазирлиги академияси ҳузуридаги фуқаро муҳофазаси институти

Тадқиқот объекти: Тадқиқот объекти қилиб Орол денгизини қуриши натижасида юзага келган экологик хусусиятли фавқулодда вазият.
Тадқиқот предмети: Орол денгизини қуриши билан боғлиқ экологик фавқулодда вазиятларнинг олдини олиш ва оқибатларини камайтириш йўлларини такомиллаштиришга қаратилган чора-тадбирлар мажмуи.
Тадқиқотнинг мақсади – Орол денгизини қуриши билан боғлиқ экологик танг вазиятни яхшилашга қаратилган тадбирларни ўрганиш орқали уни янада такомиллаштиришга қаратилган тавсиялар ишлаб чиқиш.
Тадқиқот вазифаси. Тадқиқот ишининг бош мақсадидан келиб чиқиб, қуйидагилар вазифа сифатида белгиланди:
- орол денгизининг қуриши натижасида экологик хусусиятли фавқулодда вазиятларнинг вужудга келишини ўрганиш;
- орол денгизи ва унинг ҳавзасида ҳозирги кунда юзага келган экологик вазиятни ўрганиш;
- орол денгизини қуриши билан боғлиқ экологик вазиятни яхшилашга қаратилган тадбирларни ўрганиш;
- экологик фавқулодда вазиятларнинг олдини олиш ва оқибатларини камайтириш бўйича илғор хориж тажрибасини ўрганиш;
- таҳлиллар асосида Орол денгизи билан боғлиқ экологик фавқулодда вазиятларнинг олдини олиш ва оқибатларини камайтириш бўйича тавсиялар ишлаб чиқиш.
Тадқиқотнинг илмий янгилиги. Орол денгизи билан боғлиқ фавқулодда вазиятларнинг келиб чиқиш сабаблари, олдини олиш
ва оқибатларини бартараф этиш йўлларини ўрганиш орқали Орол денгизи билан боғлиқ экологик фавқулодда вазиятларнинг олдини олиш
ва оқибатларини камайтириш йўлларини такомиллаштириш бўйича тавсиялар ишлаб чиқилади.
Тадқиқотнинг асосий масалалари ва фаразлари: Диссертация ишининг асосий масалалари Ўзбекистонда Орол денгизи билан боғлиқ экологик вазиятнинг ҳолатини, юзага келган мавжуд муаммоларни ўрганиш ҳисобланади.
Орол денгизи билан боғлиқ муаммоларни таҳлил қилиш ва Орол денгизи билан боғлиқ экологик фавқулодда вазиятларнинг келиб чиқиш механизмлари асосида маълум тавсиялар ишлаб чиқиш орқали экологик фавқулодда вазиятларнинг олдини олишга эришиш мумкин.