Ўзбекистон республикаси фанлар академияси

ЮСУПОВ ЭРКИН ЮСУПОВИЧ (1929-2003). 1952 й.да Ўрта Осиё давлат университетининг филология ф-т.ини «мантиқ ва психология» ихтисослиги бўйича тамомлаган.
1952-1954 й.ларда Москва давлат педагогика институти фалсафа кафедрасининг аспиранти, 1954-1972 й.ларда Низомий номидаги Тошкент давлат педагогика институти фалсафа кафедрасининг мудири, 1972-1979 й.ларда Партия тарихи институти директори, 1979-1990 й.ларда Ўзбекистон Республикаси Фанлар академиясининг вице-президенти ва Президиум аъзоси, 1990-1992 й.ларда Тошкент давлат университети ректори, 1992-1994 й.ларда Ўзбекистон зиёлилари уюшмасининг президенти, 1994-1995 й.ларда республика «Маънавият ва маърифат» жамоатчилик марказининг раҳбари, 1995-1997 й.ларда Тошкент давлат университети гуманитар ф-т.лар фалсафа кафедрасининг мудири, кейинчалик ТошДУ фалсафа кафедраси проф.и лавозимида ишлаб келди.
1954 й.и Москвада «Мантиқ қонунларининг фалсафий таҳлили» мавзуида номзодлик, 1965 й.и Тошкентда «Мустамлака ва қарам мамлакатларда шаҳар билан қишлоқ ўртасидаги қарама-қаршиликлар масаласи» мавзуида д-р.лик диссертацияларини ёқлаган. Фалсафа фанлари д-р.и, ЎзР ФА академиги, Россия Фанлар академиясининг мухбир аъзоси, проф.. Беруний номидаги Ўзбекистон Давлат мукофати лауреати (1992 й.).
Ижтимоий фалсафа, мантиқ, тарих, педагогика, сиёсатшунослик йўналишларида илмий тадқиқот ишлари олиб боради. Мазкур соҳаларга оид 400дан зиёд матбуотда чоп этилган ишлар муаллифи.
АҚШ, Германия, Венгрия, Ҳиндистон, Туркия, Жазоир, Покистон, Мўғулистон университетлари илмий марказларида фалсафа, миллий маданиятлар тарихига бағишланган Халқаро конгресслар, илмий анжуманлар иштирокчиси.
Олим ш. ва қишлоқ ўртасидаги муносабат, инсон, ахлоқий камолот, миллат ва мустақиллик, маънавият ва мафкура каби кўплаб муаммоларни янгича талқин этишга ҳаракат қилган.
6 та д-р.лик ва 64 та номзодлик диссертация ишларига илмий маслаҳатчи ва раҳбарлик қилган.
«Мантиқ фанининг фалсафий таҳлили» (М., 1954, рус тилида), «Мустамлака мамлакатларда ш. билан қишлоқ ўртасидаги қарама-қаршиликлар» (Т., 1964), «Ш. билан қишлоқ ўртасидаги қарама-қаршиликларнинг умумий ва хусусий жиҳатлари» (Т., 1980) номли монографияларнинг муаллифи. Шунингдек, «Тарих фанининг фалсафий методологияси» (Т., 1982), «Инсон одоби билан» (Т., 1986), «Истиқлол йўналишида» (Т., 1996) каби жамоавий монографияларнинг ҳаммуаллифи.